O‘tmish va zamonaviylik mujassamlashgan maskan. Xitoydan fotoreportaj

Foto: Hasan Paydoyev, «Xalq so‘zi»

Xitoyning Jejang viloyatida markazi Hangjou shahrida Syaoshan tumani mavjud. Shahar markazidan 100 km olisga cho‘zilgan ushbu tumanning Limpu degan mavzesidagi sport majmuasida Osiyo O‘yinlarining qator yo‘nalishlari bo‘yicha musobaqalar bo‘lib o‘tmoqda. "Syaoshan Linpu" sport markazida O‘zbekiston sportchilari sharafiga bir necha bor bayrog‘imiz ko‘tarildi.

Tanaffus paytlarida esa ushbu tog‘li, xushmanzara hududning tarixiy maskani bilan tanishdik. Linpu o‘lkashunoslik muzeyi yaqin o‘n yilda barpo etilgan bo‘lsada, qadim Chin uslubida qurilgani va eksponatlarining tarixiyligi bilan ajralib turadi.

"Tarixni bilmaganning kelajagi yo‘q", - deydi ziyoratchilardan biri. mahalliy aholi va mehmonlar ushbu maskanda Tan, Son, Yuan, Min, Chin sulolalariga oid qadimiy topilmalar, o‘sha davrlarning osori atiqalari, qo‘lyozmalar bilan tanishishlari mumkin. O‘tmish va zamonaviylikning mujassamlashgani ekan ziyoratchilarning qiziqishini yanada orttiradi.