“Guliston — Chinorkent — Guliston” yoʻnalishi boʻyicha tezyurar elektropoyezd qatnovi yoʻlga qoʻyildi
Ahmadali SHERNAZAROV/“Xalq soʻzi”. Bugun Gulistondan Boʻstonliq tumanidagi “Chinorkent” bekatiga tezyurar yoʻlovchi elektropoyezdi qatnovi boshlandi. Yangi yoʻnalishda harakatlanayotgan mazkur elektropoyezd vagonlarida barcha sharoit va qulayliklar mavjud. Uning birinchi yoʻlovchilari mehnat faxriylari, nuroniylar, OAV vakillari boʻldi.
Maʼlum qilinishicha, ushbu yoʻlovchi poyezdi har kuni qatnaydi. Yaʼni jadvalga asosan Gulistondan tongi soat 6:11 da yoʻlga chiqsa, Chinorkentdan Gulistonga 15:43 da joʻnaydi va 19:00 da Gulistonga yetib keladi. Yoʻnalish masofasi 3 soat-u 30 daqiqada bosib oʻtiladi.
Aytish lozimki, bu yangi yoʻnalish Sirdaryo viloyati va unga qoʻshni hududlarda yashayotgan aholiga Boʻstonliq tabiatining goʻzal manzaralariga sayr-u sayohat qilishlarida katta qulaylik yaratgani holda ichki turizmni rivojlantirishdagi samarali yangiliklardan biri boʻldi.
Tavsiya etamiz
Ko‘p o‘qilganlar
- Hokimlik Toshkentni “yuva boshladi“. Xoʻsh, suv sepish havo ifloslanishini kamaytiradimi?
- “Adabiyot va hayot”: Sultonboy Dehqonovning shaxsiy fotokoʻrgazmasi ochildi (+fotoreportaj)
- Nogironligi boʻlgan fuqarolarga 30 mln soʻmgacha foizsiz ssuda ajratiladi
- Kambagʻallikni qisqartirish: pul emas, aql-idrok va bilim muhim
- Oʻzbekistonda xotin-qizlarga nisbatan raqamli zoʻravonlikka barham berish boʻyicha 16 kunlik kampaniya boshlandi
- “Inson Faxri” milliy mukofoti sohiblari taqdirlandi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring