Bitta MCHJ davlatga qariyb 1,5 milliard soʻmlik zarar yetkazgani aniqlandi
«Oʻzenergoinspeksiya» tomonidan Toshkent shahrida oʻtkazilgan nazorat tadbirida Yashnobod tumanida joylashgan koʻp qavatli turarjoy majmuasini elektr energiyasi bilan taʼminlovchi «А.Б.» MCHJ elektr energiyasidan noqonuniy foydalanganligi aniqlandi. Bu haqda Oʻzbekiston Respublikasi Energetika vazirligining matbuot xizmati xabar berdi.
Maʼlum qilinishicha, ushbu MCHJ tasarrufidagi elektr qurilmalarni elektr hisoblagichsiz toʻgʻridan-toʻgʻri tarmoqqa ulangan. Shuningdek, majmua hududidagi avtoturargohda hujjatlarsiz elektromobillarni zaryadlash qurilmasi oʻrnatish holati ham aniqlangan.
«Oʻzenergoinspeksiya»ning dastlabki hisob-kitoblariga koʻra, «А.Б.» MCHJ davlat manfaatlariga 1 milliard 352 million soʻm zarar yetkazilganligi maʼlum boʻldi. Inspeksiya holat yuzasidan tegishli hujjatlar rasmiylashtirilib, huquqni muhofaza qiluvchi organlarga yuborgan.
Avvalroq «Xalq soʻzi»ning «Oʻzbekistonda anomal issiq qachon kuzatilishi maʼlum. Bunga Energetika vazirligi tayyormi?» maqolasi chop etilgandi.
Tavsiya etamiz
Ko‘p o‘qilganlar
- Jahon olimlari nigohi yana Oʻzbekistonga qaratildi
- Prezident Oʻzbekiston oʻqituvchi va murabbiylariga tabrik yoʻlladi
- Oʻzbekistonda dollarning rasmiy kursi oʻzgardi
- Prezident Ismoil Joʻrabekov vafoti munosabati bilan hamdardlik bildirdi
- Oʻzbekiston va Turkmaniston: barqaror rivojlanish yoʻlidan borayotgan davlatlar
- Tadbirkorlar yangicha yondashuvlar asosida qoʻllab-quvvatlanadi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring