Kecha, 11-oktyabr kuni Osiyo mintaqasida Jahon chempionati saralashining toʻrtinchi bosqichiga oid 2-tur bahslari boʻlib oʻtdi.

Iroqdan qiyin gʻalaba

Dastlabki turda Saudiya Arabistoni terma jamoasiga 3:2 hisobida magʻlub boʻlgan Indoneziya termasi agar bu gal ham yutqazsa, muddatidan avval 2026-yilgi Jahon chempionati bilan xayrlashishiga toʻgʻri kelardi. Aslida ham shunday boʻldi.

Uchrashuvda kiritilgan yagona golga “Manchester Yunayted“ klubining sobiq futbolchisi Zidan Iqbol mualliflik qildi.

Iroq — Indoneziya 1:0

Gol: Zidan Iqbol (76).

Iroq: Hassan, Ali, Yunus, Tahsin, Doski, Bәyesh, Yaqob (Iqbol, 46), Al Ammari, Resan (Jasim, 69), Karim (Amin, 46), Ali (Muhsin, 69).

Indoneziya: Payes, Diks, Rido, Idzes, Jeyms (Tҷoye-a-On, 87), Pelupessi (Sananta, 87), Rendonk, Reynders (Jonatan, 65), Xaye, Kambuaya (Oratmanguen, 46), Zaylstra (Romeni, 56).

BAA guruh yetakchiligini qoʻlga kiritdi

Dastlabki turda Qatar bilan durang oʻynagan Oʻmon terma jamoasi bu gal Birlashgan Arab Amirliklari terma jamoasi bilan kuch sinashdi. Oʻyin 2:1 hisobi bilan Kosmin Olaroyu shogirdlarining gʻalabasi bilan yakunlandi.

Oʻyinda hisob 12-daqiqada ochildi. BAA termasi himoyachisi Autonne Kuadio oʻz darvozasiga toʻp kiritib qoʻydi. Birinchi boʻlim shu natija bilan — 0:1 hisobida yakunlandi.

Ikkinchi boʻlimning 76-daqiqasida Markos Meloni hisobni tenglashtirgan boʻlsa, 83-daqiqada Kayo BAAga gʻalaba keltirgan golni kiritdi. Yakuniy hisob — 2:1, BAA foydasiga.

BAA — Oʻmon 2:1

Gollar: Meloni (76), Kayo (83) — Autonne (avt. 12).

BAA: Eysa, Meloni, Pimenta, Autonne, Amaral, Lima (Nader, 46), Hasan (Kanedo, 46), Alhassani (Salex, 38), Ramadan (Suhayl, 46), Ximenes (Zuxir, 88), Kayo.

Oʻmon: Al Muhayni, Al Xarti (Al Mushayfri, 77), Al Hamisi (Al Akbari, 85), Rushaydi, Al Brayki, Busaydi, Al Ravahi, Al Saadi, Al Alavi (Favoz, 77), Dahman (Al Gassani, 85), Al Subhi (Al Gafri, 62).