Oʻzbekiston Professional futbol ligasi Superliganing 2024-yilgi mavsum ramziy terma jamoasini eʼlon qildi.

Maʼlum qilinishicha, mazkur rolik Gazeta.uz nashri hamda Toshkent shahar IIBB YHXB bilan hamkorlikda tayyorlangan. U har yilning 17-noyabr kuni BMT tomonidan yodga olinadigan Butunjahon yoʻl transport hodisasi qurbonlarini xotirlash kuniga bagʻishlangan.

“Afsuski, soʻnggi vaqtlarda yurtimizda koʻplab insonlar yoʻl-transport hodisasi tufayli jabrlanmoqda. BMT Bosh Assambleyasining rezolyutsiyasiga koʻra, noyabrning uchinchi yakshanbasi — Butunjahon yoʻl harakati qurbonlarini xotirlash kuni sifatida belgilangan. Liga Superliga ramziy terma jamoasini ushbu tarzda eʼlon qilish orqali, yoʻllarda harakatlanuvchi barchani hushyorlikka va yoʻl harakati qoidalariga qatʼiy rioya qilishga chorlaydi”, deyiladi xabarda.

Oʻzbekiston Professional futbol ligasi Superliganing 2024-yilgi mavsum ramziy terma jamoasi:

Abduvohid Neʼmatov (“Nasaf”);

Sunnatilloh Hamidjonov (“Surxon”);

Vladimir Bubanya (“Andijon”);

Oleg Zoteyev (“Soʻgʻdiyona”);

Akmal Mozgovoy (“Nasaf”);

Jurani Ferreyra (“Dinamo”);

Vladimir Yovovich (“Soʻgʻdiyona”);

Anvarjon Hojimirzayev (“Dinamo”);

Lyupcho Doriyev (“Soʻgʻdiyona”);

Dragan Cheran (“Paxtakor”);

Zoran Marushich (“Nasaf”).

Ramziy terma jamoa bosh murabbiyi sifatida esa Roʻziqul Berdiyev tanlab olingan.

Avvalroq, Nodirbek Abdusattorov Hindistondagi turnirda muvaffaqiyatsiz ishtirok etgani haqida xabar berilgandi.