Видеодан кадр

Тошкент вилояти Паркент туманида пиёдалар ўтиш жойидан югуриб ўтаётган 9 ёшли болани «Cobalt» уриб кетди. Ҳолат юзасидан вилоят Йўл ҳаракати хавфсизлиги бошқармаси маълумот берди.

Билдирилишича, ЙТҲ жорий йилнинг 18 октябрь куни соат тахминан 11:00ларда Тошкент вилояти Паркент тумани ҳудудидан ўтган Д-015 «Қизилтоғ ш. – Паркент ш. – Янги бозор қ.» автомобиль йўлининг 57-километрида йўл-транспорт ҳодисаси содир бўлган.

Ҳодисада 39 ёшли Х.Д «Cobalt» русумли автомашинани бошқариб кетаётиб, пиёдалар ўтиш жойидан югуриб ўтаётган 9 ёшли Ш.М.ни уриб юборган. Оқибатда пиёда тан жароҳатлари олиб, туман марказий шифохонасига ётқизилган. Таъкидланишича, ҳозирда унинг аҳволи яхши, даволанмоқда.

«Айрим ижтимоий тармоқларда бола ҳалок бўлгани ҳақида тарқатилаётган маълумотлар мутлақо асоссиз, ҳақиқатга тўғри келмайди (фейк)», дейилади ЙҲХБ хабарида.

Шунингдек, ушбу ЙТҲда иштирокчи сифатида «Дамас» русумли автомашина ҳайдовчиси, 33 ёшли К.Х. ҳам қайд этилган. Ҳозирда ҳолат юзасидан Паркент тумани ИИБ масъул ходимлари томонидан терговга қадар текширув ҳаракатлари олиб борилмоқда.