Germaniya kansleri Putinni Ukraina bilan shartsiz muzokaralarga chaqirdi

Germaniya kansleri Fridrix Mers Rossiya prezidenti Vladimir Putinni AQSH rahbari Donald Trampning Ukraina boʻyicha muzokaralar taklifini jiddiy qabul qilishga chaqirdi, deb xabar bermoqda DW.
— Rossiya bugun oʻq otishlarni toʻxtatish va harbiy harakatlarga barham berish imkoniyatiga ega, — dedi u.
Mersning taʼkidlashicha, Alyaskadagi Tramp va Putin uchrashuvining asosiy maqsadi — Ukraina prezidenti Vladimir Zelenskiy ham ishtirok etadigan sammitni tashkil etishdir.
— Biz prezident Putindan Trampning muzokaralar taklifini jiddiy qabul qilib, Alyaskadagi uchrashuvdan soʻng Ukraina bilan shartsiz muzokaralarga kirishishini kutayapmiz, — dedi Germaniya kansleri.
Uning soʻzlariga koʻra, Kiyev va Moskva oʻrtasidagi ehtimoliy muzokaralar natijasida Ukrainaga ishonchli xavfsizlik kafolatlarini oʻz ichiga olgan otishmalarni toʻxtatish boʻyicha kelishuvga erishilishi lozim.
Mers qoʻshimcha qilishicha, hududiy masalalar faqat Ukraina roziligi bilan hal etilishi mumkin.
Tavsiya etamiz
Ko‘p o‘qilganlar
- Saudiya Arabistonida “Oʻzbekiston madaniyati kunlari” davom etmoqda
- Super oy: Bugun Yerning tabiiy yoʻldoshi odatdagidan ancha katta koʻrinmoqda
- Aholi va qishloq xoʻjaligini roʻyxatga olishga tayyorgarlik koʻrish va uni oʻtkazish tartibi belgilandi
- Samarqandda YUNESKOning 43-sessiyasiga tayyorgarlik avjida
- Markaziy Osiyo pedagoglari Nukusda jam boʻldi
- Hududlarda 34 ta yuqori texnologiyali sanoat loyihalari amalga oshiriladi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring