Bosh prokuratura huzuridagi Departamentning Jizzax viloyati boshqarmasi va boshqa huquqni muhofaza qiluvchi organ xodimlari hamkorligida tezkor tadbir oʻtkazildi, deb xabar bermoqda

Unda aytilishicha, oʻtkazilgan tezkor tadbir davomida fuqaro M.A. fuqaro J.T.ni 7 ming AQSH dollari evaziga Norvegiya davlatiga ishga yuborishini aytib, ushbu pullar hisobidan 84 million soʻmni firibgarlik yoʻli bilan olgan vaqtida ashyoviy dalillar bilan qoʻlga olingan.

Shu kabi yana bir holat, Bosh prokuratura huzuridagi Departamentining Uchtepa tumani boʻlimi va boshqa huquqni muhofaza qiluvchi organ xodimlari hamkorligida oʻtkazilgan tezkor tadbirda ham aniqlangan.

Maʼlum boʻlishicha, fuqaro S.Gʻ. fuqaro E.J.ning ishonchiga kirib, uni Latviya davlatiga borishi uchun shengen vizasini olib berishi va ishga joylashtirib qoʻyishi evaziga 1 ming 700 AQSH dollarini olgan vaqtida tezkor tadbir xodimlari tomonidan ushlangan.

Hozirda mazkur holatlar yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishlari qoʻzgʻatilib, tergov harakatlari oʻtkazilmoqda.