Колумбияда президентликка номзод шахс отиб ташланди (+видео)
Колумбия президентлигига номзод Мигел Урибега мамлакат пойтахти Боготада қуролли ҳужум уюштирилди. Бу ҳақида «NBC News» нашри хабар берди.
Маълум қилинишича, ушбу суиқасд cиёсатчининг сайловолди тадбирда нутқ қилаётган вақтда содир этилган. Маълумотларга кўра, президентликка номзод яраланган ва оғир аҳволда шифохонага олиб борилган.
Дастлабки суриштирувлар натижасида маълум бўлишича, Мигел Урибега суиқасд уюштирган шахс, 15 ёшли ўсмир эканлиги ойдинлашган.
Ўсмир 39 ёшли президентликка номзод Мигел Урибенинг орқа томонига олти марта ўқ узган. Ўқлардан бири сенаторнинг бошига теккан. Мазкур суиқасд оқибатида яна икки киши яраланган.
Сиёсатчининг қўриқчилари суиқасд уюштирган ўсмирга қарата ўқ узиб, уни яралаган ва ҳибсга олган. Мамлакат президент Густаво Петро ва ҳукуматнинг бошқа расмийлари ушбу суиқасдни қоралаган.
Расмийлар ушбу ҳолат назоратга олинганини маълум қилган, бироқ президентликка номзод Мигел Урибенинг соғлиғи ҳақида бошқа тафсилотларни ошкор қилмаган.
Тавсия этамиз
Кўп ўқилганлар
- Иш ҳақи, пенсия, нафақа ва стипендиялар миқдори 10 фоизга оширилади
- Эрон ва Исроил ўртасидаги зиддиятлар хронологияси ёхуд бугунги «уруш»нинг илдизи қаерда?
- Олимлар Альцгеймер касаллигидан ҳимоя қилувчи парҳез ҳақида маълумот беришди
- Доллар курси ошишда давом этмоқда
- Паркентда йилига 20 минг сайёҳни қабул қиладиган туристик мажмуа очилмоқда
- Ўзгаришларни сўз билан уйғотган журналист
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг