«Knauf Gips Buxoro» Ўзбекистондаги устун мавқега эга ҳисобланган компания мақомини олди. Ушбу рўйхатда яна нечта компания бор?
Рақобатни ривожлантириш ва истеъмолчилар ҳуқуқларини ҳимоя қилиш қўмитаси «Knauf Gips Buxoro» гипсокартон бозорида устун мавқега эга эканини билдирди. Бу ҳақда Қўмитанинг матбуот хизмати маълум қилган.
Қайд этилишича, энди компания устун мавқе тан олинган компаниялар реестрига киритилади ва монопол нархлардан фойдаланишнинг олдини олиш бўйича ҳаракатларни назорат қилиш мажбуриятини зиммасига олади.
Хабарга кўра, гипсокартон маҳсулотини ишлаб чиқариш ва сотиш бозори таҳлил қилинганида мазкур ширкатнинг умумий улуши 40 фоиздан ошганини аниқ бўлган ва бу компаниянинг устун мавқега эгалигини аниқлаштирган.
Шу тариқа қўмита «Knauf Gips Buxoro»ни «Рақобат тўғрисида»ги қонуннинг 13-моддасига асосан устун мавқега эга деб топган.
Маълумот учун айтиш мумкинки, «Knauf Gips Buxoro» 2006 йил июль ойида ташкил этилган.
Ҳозирда устун мавқега эга бўлган компания маҳсулот ёки молия бозорида устун мавқега эга бўлган хўжалик юритувчи субъектларнинг давлат реестрига киритилиши керак. Ҳозирда ушбу реестрда 94 та компания мавжуд.
Тавсия этамиз
Кўп ўқилганлар
- “Матонатли Марям” фильми кенг жамоатчиликка тақдим этилди
- Камбағалликни қисқартириш: пул эмас, ақл-идрок ва билим муҳим
- FIDE жаҳон кубоги чемпиони Жавоҳир Синдаровни кутиб олиш маросими бўлиб ўтди (+фоторепортаж)
- Ўзбекистонда хотин-қизларга нисбатан рақамли зўравонликка барҳам бериш бўйича 16 кунлик кампания бошланди
- «Барселона» Ла Лигада навбатдаги ғалабасини қўлга киритди
- Саида Мирзиёева Доҳадаги кино фестивалга ташриф буюрди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг