Финляндия парламентининг пленар мажлиси мамлакат ташқи ишлар вазири Элина Валтоненнинг Россия ҳақидаги баёноти ортидан келиб чиққан баҳс сабаб тўхтаб қолди. Бу ҳақда “Iltalehti” нашри хабар берди.

Маълум қилинишича, «Чап иттифоқ» партиясидан депутат Йоханнес Юрттиахо Валтоненни Россияга сўнгги 100 йил ичида ҳеч бир давлат ҳужум қилмагани ҳақида айтган гаплари учун танқид қилган. Унинг таъкидлашича, бу жиддий масала бўйича нотўғри баёнот бўлиб, Россияга ўзи ҳужум қилган мамлакат раҳбарияти вакили томонидан айтилган.

Депутат Финляндия 1941 йил июнь ойида нацистик Германия билан бирга «Барбаросса» операцияси доирасида Совет Иттифоқига ҳужум қилганини эслатган. Шунингдек, у совет-фин уруши Финляндия мағлубияти билан якунланганини ва бу ҳолат мамлакатнинг кейинчалик Буюк Ватан уруши даврида СССРга қарши босқинда иштирок этишига олиб келганини қайд этган.

Юрттиахо ташқи ишлар вазиридан оммавий ахборот воситаларига маълумот беришдан олдин уни текшириб кўриш керак эмасмиди, дея савол ҳам берган. Бироқ нашр маълумотига кўра, Валтонен ушбу саволни жавобсиз қолдирган, мажлис эса унинг чиқишидан кейин давом этган ёки этмагани аниқ эмас.

Эслатиб ўтамиз, ўтган ҳафта Элина Валтонен «сўнгги 100 йил ичида Россия 19 та қўшни давлатга ҳужум қилган, унга эса ҳеч ким ҳужум қилмаган» деган баёнот берган эди. Россия ТИВ расмий вакили Мария Захарова Валтоненнинг гапларини танқид қилиниб, Финляндия раҳбариятининг тарихни билмаслигини айтганди.