“Реал Мадрид” аламли тарзда мағлубиятга учради
Кеча, 7 декабрь куни Испания Ла Лигасининг 15-тур ўйинлари бўлиб ўтди. Кун доирасидаги баҳсда “Реал Мадрид“ клуби ўз майдонида “Сельта” жамоасини қабул қилди.
Учрашув 0:2 ҳисобига меҳмонлар ғалаба қозонди. Ўйиннинг биринчи бўлимида ҳисоб очилмади.
Иккинчи бўлимнинг 53-дақиқасида “Сельта” футболчиси Виллионт Сведберг ўйинда ҳисобни очди. 64-дақиқа Мадрид клуби ҳимоячиси Фран Гарсия рақибига нисбатан қўпол ўйнагани учун огоҳлантирилди. Бундан ғазабланган Фран кейинги эпизодда яна фол ишлатди. Ҳакам эса футболчини аяб ўтирмади ва иккинчи сариқ карточкани кўрсатган ҳолда уни майдондан четлатди.
90+2-дақиқада яна шунга ўхшаш ҳолат юз берди. Ҳакам қарорига эътироз билдиргани учун Альваро Каррерасга сариқ карточка кўрсатилди. Аммо футболчи тинчланиш ўрнига уни қўпол сўзлар билан ҳақорат қилди. Натижада ҳакам Каррерасни майдондан четлатди. Ҳолат давомида ушбу қарорга майдонда эътироз билдирган Валверде ва Родриого сариқ, захирада ўтирган Эндрикка эса қизил карточка кўрсатилди.
Иккинчи бўлимнинг сўнгги қисмида Виллионт Сведберг жамоасининг иккинчи голини киритди. Шу тариқа ўйин “Реал Мадрид”нинг аламли мағлубияти билан якунланди.
Тавсия этамиз
Кўп ўқилганлар
- Ўзбекистон миллий терма жамоаси учун Жаҳон чемпионати қуръаси омадли ўтдими?
- “Матонатли Марям” фильми кенг жамоатчиликка тақдим этилди
- Ўзбекистон терма жамоасининг Жаҳон чемпионатидаги ўйин саналари эълон қилинди
- АҚШ Европадан НАТО мажбуриятларининг асосий қисмини ўз зиммасига олишни талаб қилди
- FIDE жаҳон кубоги чемпиони Жавоҳир Синдаровни кутиб олиш маросими бўлиб ўтди (+фоторепортаж)
- Reuters: Асаднинг Москвадаги тарафдорлари Сурияда қўзғолон режалаштирмоқда
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг