“Tez orada hammasi quruqlikdan boshlanadi”: Tramp Venesuelaga tahdid qildi
AQSH prezidenti Donald Tramp Venesuelaga quruqlik orqali harbiy operatsiya boshlash bilan tahdid qildi. Bu haqida BILD nashri xabar berdi.
Unda aytilishicha, Qoʻshma Shtatlar rahbarining “Tez orada hammasi quruqlikdan boshlanadi” degan soʻzlari OAV muhokamalar markazida boʻlib turibdi.
Tramp quruqlikda operatsiya boshlash haqidagi gapida mamlakat nomini toʻgʻridan-toʻgʻri aytmagan. Biroq, uning soʻzlari Venesuela qirgʻoqlari yaqinida neft tankerining musodara qilinishi borasidagi muhokamalar chogʻida yangragan.
Ekspertlar bu jumla Venesuelaga qarata aytilganini taʼkidlashmoqda. Donald Trampning oʻzi bunday quruqlikdagi operatsiya qaysi davlatga nisbatan, qanday amalga oshirilishi toʻgʻrisida maʼlumot bermagan.
Maʼlumot uchun, AQSH bir necha hafta davomida Karib dengizida giyohvand moddalar savdosi bilan shugʻullanayotganlikda gumon qilingan qayiqlarni nishonga olib kelmoqda. Jumladan, shu yilning 10-dekabr kuni Qoʻshma Shtatlar harbiylari Venesuela qirgʻoqlari yaqinidagi neft tankerining nazoratini qoʻlga olgan edi.
Tavsiya etamiz
Ko‘p o‘qilganlar
- Nega biz haligacha oʻzga sayyoraliklar bilan uchrashmaganmiz?
- Aholi va qishloq xoʻjaligini onlayn roʻyxatga olish boshlanishiga 3 kun qoldi
- 16-yanvar kuni baʼzi joylarda qor yogʻadi
- “Katta sakrash” yoxud Oʻzbekiston sunʼiy intellekt va raqamli texnologiyalar rivojida yangi bosqichga qadam qoʻydi
- Koʻrfaz arab davlatlari bozoriga bojsiz kirish imkoni yaratiladi
- Raqamli Oʻzbekiston uchun kiber-huquqshunoslar: Prezident Farmoni yuridik taʼlimning yangi davrini ochadi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring