Foto: "Xalq so'zi"

Xalqaro konferensiyaning yalpi sessiyasi dunyo mamlakatlari oldida turgan muhim masala - oziq-ovqat xavfsizligini taʼminlash borasidagi chora-tadbirlarni jadallashtirish, yechimlarni muhokama qilish, shuningdek, agrar sohadagi yutuqlarni targʻib qilish va oʻzaro tajriba almashishda alohida ahamiyat kasb etdi.

Yalpi majlisdan soʻng ishtirokchilar “Buyuk Ipak Yoʻli” xalqaro turizm markazida joylashgan Eksro Markazda tashkil etilgan mamlakatimizning oziq-ovqat xavfsizligini taʼminlash boʻyicha yangi yondashuvlarini oʻzida mujassam etgan “Oʻzbekiston agrooziq-ovqat salohiyati” koʻrgazmasini koʻzdan kechirdilar.

Koʻrgazma doirasida Oʻzbekiston agrar tarmogʻini isloh qilishdagi yutuqlar taqdimot qilindi. Mehmonlarga Oʻzbekistonning agro va oziq-ovqat sohasidagi salohiyati, oziq-ovqat xavfsizligini taʼminlash boʻyicha yangi yondashuvlari namoyish etildi. Anjuman qatnashchilari urugʻchilik, bogʻdorchilik, chorvachilik, oziq-ovqat mahsulotlari ishlab chiqarishning klaster, kooperatsiya, agrologistika usullari bilan tanishtirildi.

Taʼkidlash joizki, ushbu keng koʻlamli tadbirning aynan Oʻzbekistonda oʻtkazilishi dunyo jamoatchiligining eʼtibori yurtimizga, qadimiy Samarqandga yana bir bor qaratilishiga xizmat qiladi.

Abdulaziz Yoʻldoshev

(Xalq soʻzi)

Foto: Hasan Paydoyev, Yunus Boʻriyev

(Xalq soʻzi)