Sharof Rashidov nomidagi Samarqand davlat universiteti rektori, Oʻzbekiston Respublikasi fan arbobi, Oliy Majlis Senati aʼzosi Rustam Xolmurodovning Markaziy Osiyo xalqlari tillari va madaniyati instituti hamda matematika fakulteti talabalari va ularning ota-onalari bilan uchrashuvi boʻlib oʻtdi.

​

Rektor Rustam Xolmurodov universitetda amalga oshirilayotgan islohotlar, taʼlim sohasidagi yangiliklar, yangi qurilishlar, talabalarning oʻqishlari va yashashlari uchun yaratilayotgan sharoitlar, mamlakat taraqqiyoti nuqtayi nazaridan yoshlar oldiga qoʻyilayotgan talablar xususida soʻz yuritdi. Markaziy Osiyo xalqlari tillari va madaniyati instituti direktori Joʻliboy Eltazarov, matematika fakulteti dekani Ahmad Xalxoʻjayev va boshqalar soʻzga chiqib, talabalarning faolligi, erishayotgan natijalari haqida toʻxtaldilar.

​

​

Ota-onalarning vakillari va talabalar ham oʻz mulohazalarini bildirdi. Universitet rahbarlari barcha savollarga batafsil javob qaytardilar. Shundan soʻng ota-onalar universitet sunʼiy intellekt va axborot texnologiyalari fakultetining, Biokimyo institutining yangi binolarini va universitetning boshqa eʼtiborga molik joylarini borib koʻrdi.

​