Qozogʻistonda qarovsiz qolgan bolalar Oʻzbekistonga qaytarildi
Foto: Ijtimoiy himoya milliy agentligi
Qozogʻistonda ota-ona qaramogʻisiz qolgan 3 nafar bola Vatanga qaytarildi, deb xabar bermoqda Ijtimoiy himoya milliy agentligi.
Bildirilishicha, kecha, 14-oktyabr kuni soat 18:30 da Qozogʻistonning Olmaota shahridan 3 nafar voyaga yetmagan Oʻzbekiston fuqarosi Toshkent shahriga olib kelingan. Ularni kuzatib kelishda Ichki ishlar vazirligi, Sogʻliqni saqlash vazirligi hamda Ijtimoiy himoya milliy agentligi xodimlari ishtirok etgan.
Qayd etilishicha, bolalarning ikki nafari dastlab, Toshkent shahridagi markazga soʻngra ota-onasi bagʻriga qaytariladi, bir nafari esa Navoiy viloyatdagi oilaviy bolalar uyiga joylashtiriladi. Bolaning ijtimoiy qoʻllab-quvvatlanishi ularning keyingi yashash joyi boʻyicha davom ettiriladi.
Maʼlum qilinishicha, hozirda Ichki ishlar vazirligi, Ijtimoiy himoya milliy agentligi hamda Sogʻliqni saqlash vazirligi xodimlari Rossiya va Qozogʻistonda xizmat safarida boʻlib turibdi. Tez orada Qozogʻistondan yana 4 nafar voyaga yetmagan bolalarni olib kelish reja qilingan.
Tavsiya etamiz
Ko‘p o‘qilganlar
- Saudiya Arabistonida “Oʻzbekiston madaniyati kunlari” davom etmoqda
- Toshkentda “Oʻzbekkosmos” va “NASA” agentliklari hamkorligida “NASA Space Apps Challenge 2025” Hakaton tadbiri oʻtkazilmoqda
- Super oy: Bugun Yerning tabiiy yoʻldoshi odatdagidan ancha katta koʻrinmoqda
- Aholi va qishloq xoʻjaligini roʻyxatga olishga tayyorgarlik koʻrish va uni oʻtkazish tartibi belgilandi
- Markaziy Osiyo pedagoglari Nukusda jam boʻldi
- Samarqandda YUNESKOning 43-sessiyasiga tayyorgarlik avjida
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring