Қозоғистонда қаровсиз қолган болалар Ўзбекистонга қайтарилди
Фото: Ижтимоий ҳимоя миллий агентлиги
Қозоғистонда ота-она қарамоғисиз қолган 3 нафар бола Ватанга қайтарилди, деб хабар бермоқда Ижтимоий ҳимоя миллий агентлиги.
Билдирилишича, кеча, 14 октябрь куни соат 18:30 да Қозоғистоннинг Олмаота шаҳридан 3 нафар вояга етмаган Ўзбекистон фуқароси Тошкент шаҳрига олиб келинган. Уларни кузатиб келишда Ички ишлар вазирлиги, Соғлиқни сақлаш вазирлиги ҳамда Ижтимоий ҳимоя миллий агентлиги ходимлари иштирок этган.
Қайд этилишича, болаларнинг икки нафари дастлаб, Тошкент шаҳридаги марказга сўнгра ота-онаси бағрига қайтарилади, бир нафари эса Навоий вилоятдаги оилавий болалар уйига жойлаштирилади. Боланинг ижтимоий қўллаб-қувватланиши уларнинг кейинги яшаш жойи бўйича давом эттирилади.
Маълум қилинишича, ҳозирда Ички ишлар вазирлиги, Ижтимоий ҳимоя миллий агентлиги ҳамда Соғлиқни сақлаш вазирлиги ходимлари Россия ва Қозоғистонда хизмат сафарида бўлиб турибди. Тез орада Қозоғистондан яна 4 нафар вояга етмаган болаларни олиб келиш режа қилинган.
Тавсия этамиз
Кўп ўқилганлар
- Саудия Арабистонида «Ўзбекистон маданияти кунлари» давом этмоқда
- Тошкентда «Ўзбеккосмос» ва «NASA» агентликлари ҳамкорлигида «NASA Space Apps Challenge 2025» Ҳакатон тадбири ўтказилмоқда
- Супер ой: Бугун Ернинг табиий йўлдоши одатдагидан анча катта кўринмоқда
- ЖССТ: Ғазода бирорта шифохона тўлиқ ишламаяпти
- Аҳоли ва қишлоқ хўжалигини рўйхатга олишга тайёргарлик кўриш ва уни ўтказиш тартиби белгиланди
- Марказий Осиё педагоглари Нукусда жам бўлди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг