Oʻzbekistonning Isroildagi elchixonasi hozirgi xavfsizlik vaziyati munosabati bilan Isroilni mustaqil ravishda tark etish istagida boʻlgan Oʻzbekiston fuqarolariga ochiq nazorat-oʻtkazish punktlari haqida maʼlumot berdi.

Unga koʻra, Oʻzbekiston fuqarolari quyidagi nazorat-oʻtkazish punktlari orqali mamlakatni tark etishlari mumkin:

• “Menaxem Begin” / “Taba” — Isroil-Misr chegarasida joylashgan (Isroilning Eylat va Misrning Taba shaharlari oʻrtasida);
• “Shayx Xusayn” — Isroil-Iordaniya shimoliy chegarasida joylashgan (Isroilning Bayt-Shean va Iordaniyaning Irbit shaharlari oʻrtasida);
• “Isxak Rabin” / “Vadi Arava” — Isroil-Iordaniya janubiy chegarasida joylashgan (Isroilning Eylat va Iordaniyaning Akaba shaharlari oʻrtasida).

Barcha koʻrsatilgan chegara punktlari hozirda odatiy tartibda (24 soat) faoliyat koʻrsatmoqda.

Misr orqali:

“Menaxem Begin”/“Taba” nazorat-oʻtkazish punkti (Eylat sh.)

- Oʻzbekiston fuqarolari ushbu punktni kesib oʻtib, Misrga vizasiz (“Sinay kirish muhri” orqali) kira oladilar. “Sinay kirish muhri” — 14 kungacha faqat Sinay yarim oroli hududida boʻlish huquqini beradi (Qohira va boshqa shaharlarga safar qilish mumkin emas).

• 21 yoshga toʻlmagan fuqarolarga ota yoki onalaridan biri hamrohlik qilishi shart.
• “Taba”dan Sharm ash-Shayxgacha (270 km) avtobus yoki avtomobillarda harakatlanish imkoniyati mavjud.

Aviaqatnovlar (Sharm ash-Shayx aeroportidan):

• “UzAirways”: Haftasiga 3-marta (seshanba, chorshanba, shanba, soat 12:35) Toshkentga.
• “Turkish Airlines”: Har kuni 1 yoki 2-marta Istanbulga (Istanbul xalqaro aeroportiga) (Toshkentga tranzit).
• “Pegasus Airlines”: Har kuni 1 yoki 2-marta Istanbulga (“Sabixa Gyokchen” aeroportiga) (Toshkentga tranzit).

Iordaniya orqali:

• “Shayx Xusayn” (Bayt-Shean sh.) yoki “Isxak Rabin”/“Vadi Arava” (Eylat sh.) nazorat-oʻtkazish punktlari:

Ushbu punkt orqali Iordaniya poytahtigacha borib, keyin quyidagi aviayoʻnalishlardan foydalanish mumkin:

• “Ummon – Istanbul – Toshkent”
• “Ummon – Dubay – Toshkent”

Eslatma: Iordaniyaga kirish uchun mamlakat IIV sayti orqali viza olish zarur:

Zarur hollarda Oʻzbekiston Elchixonalarining favqulodda telefon raqamlariga murojaat qilishingiz mumkin:

• Misrda (+202 333-617-23; +20 128 666-1441, eg.uzembassy@mfa.uz);
• Saudiya Arabistonida, oʻrindoshlik asosida Iordaniyada (+966 11 263-5223, +966 56 721-7731, uzbembriyadh@gmail.com);
• Isroilda (+972 (3) 672-2466, 672-2371, 758-5075, 758-5076, (54) 485-1397, il.uzembassy@mfa.uz).

Shuningdek, elchixona Isroil hududini tark etayotgan fuqarolardan shaxsiy xavfsizlik ehtiyot choralarini koʻrishni va Front orti buyrugʻi tomonidan berilgan koʻrsatmalarga qatʼiy amal qilishni soʻragan.