Oʻzbekistonga Turkiya fuqarolari koʻproq qaysi maqsadda tashrif buyuryapti?
2025-yilning yanvar—aprel oylarida Oʻzbekistonga Turkiyadan kelgan turistlar soni sezilarli darajada oshdi. Bu haqda Milliy statistika qoʻmitasi maʼlumot berdi.
Qayd etilishicha, ushbu davr mobaynida 49,4 ming nafar Turkiya fuqarosi mamlakatimizga turizm maqsadida tashrif buyurgan. Bu koʻrsatkich 2024-yilning shu davriga nisbatan 18 ming nafarga, yaʼni 57,4 foizga koʻpdir.
Turkiya fuqarolarining Oʻzbekistonga kelishiga turli maqsadlar sabab boʻlgan. Jumladan, 19 ming 462 nafar kishi xizmat safari doirasida kelgan. Sayyohlik maqsadida kelganlar soni 16 ming 260 nafarni tashkil etdi. Shuningdek, 13 ming 407 nafar turkiyalik qarindoshlarini yoʻqlash maqsadida Oʻzbekistonga tashrif buyurgan.
Qolaversa, 154 nafar fuqaro tijorat ishlari uchun kelgani qayd etilgan. Oʻqish maqsadida kelganlar soni 123 nafarni, davolanish uchun kelganlar esa 20 nafarni tashkil etgan.
Umuman, Turkiyadan kelayotgan mehmonlar soni ortib borayotgani mamlakatimiz turizm sohasidagi faoliyatning kengayib borayotganini koʻrsatadi.
Tavsiya etamiz
Ko‘p o‘qilganlar
- 21-oktyabr – Oʻzbek tili bayrami kuni
- Samarqandda YUNESKOning 43-sessiyasiga tayyorgarlik avjida
- Turkiy xalqlarning maʼnaviy yalovbardori
- Oʻz xalqini Siz kabi chin dildan sevadigan davlat rahbarini uchratmadim – “ACWA Power” kompaniyasi boshqaruvi raisi Muhammad Abunayyan
- Rossiya Osiyo grandni magʻlub etdi
- Kambagʻal oilalar farzandlarining toʻgarak xarajatlarining 80 foizgacha qismi davlat byudjeti hisobidan qoplanadi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring