Oʻzbekiston gastronomik turizm assotsiatsiyasi tomonidan yurtimizning gastronomik turizm salohiyatini yana-da oshirish maqsadida sohadagi terminlarning elektron lugʻati yaratildi. Bu haqda Turizmni rivojlantirish davlat qoʻmitasi xabar berdi.

Mazkur lugʻat oʻzbek, rus, ingliz tillarida tayyorlangan boʻlib, undan gastronomik terminlar, taom tayyorlash jarayoni va bosqichlarini ifodalovchi soʻz birikmalari hamda ularning tarjimasi oʻrin egallagan. Lugʻat nafaqat yurtimizdagi restoran va umumiy ovqatlanish tizimida faoliyat yuritadigan tadbirkorlarga, qolaversa, Oʻzbekistonga tashrif buyuradigan sayyohlar uchun ham qulaylik yaratadi. 

Bunda elektron lugʻat yordamida taomnomalarni bemalol tarjima qilish, taom tarkibi, uning tayyorlanish jarayoni haqida batafsil maʼlumot berilgan. Lugʻat intellektual mulk agentligida roʻyxatdan oʻtkazilgan boʻlib, sayyohlar va mijozlarning foydalanishi uchun qulaydir. Shu oʻrinda, foydalanuvchilar uchun juda qulay va oson platformada yaratilgan elektron lugʻat ilovasi Play market tarmogʻida ham joylangan.