Foto: Prokuratura departamenti

Bosh prokuratura huzuridagi Departamentning xabar qilishicha, Xorazm va Namangan viloyatlarida oʻqishga kiritib qoʻyishni vaʼda qilgan firibgarlar ushlangan.

Qayd etilishicha, Iqtisodiy jinoyatlarga qarshi kurashish departamenti hamda DXXning Namangan viloyati boshqarmalari tomonidan tezkor tadbir oʻtkazilgan. Unda fuqaro O.U. fuqaro A.N.ni tanishlari yordamida Namangan muhandislik-qurilish institutining “Informatika” yoʻnalishiga oʻqishga kiritib qoʻyishi evaziga 1500 AQSH dollarini olgan vaqtida ashyoviy dalillar bilan ushlangan.

Departamentning Xorazm viloyati Yangibozor tuman boʻlimi tomonidan DXX xodimlari bilan hamkorlikda oʻtkazilgan tezkor tadbirda esa fuqaro I.M. 2 nafar fuqaroning ishonchiga kirib, ularni 3 000 AQSH dollari evaziga goʻyoki yuqori lavozimda ishlovchi tanishlari yordamida IIV akademiyasiga oʻqishga kiritib qoʻyishini aytib, oldindan 1 400 AQSH dollari va 1,2 mln soʻmni olgan vaqtida ashyoviy dalillar bilan ushlangan.

Mazkur holatlar yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishlari qoʻzgʻatilib, tergov harakatlari oʻtkazilmoqda.