Foto: Getty Images

Isroilda yuz minglab odamlar yigʻilib, Gʻazodagi urushni toʻxtatish va HAMAS tomonidan garovga olinganlarni ozod qilish boʻyicha kelishuvga erishishni talab qilmoqda.

Yakshanba kuni Tel-Avivdagi “Garovga olinganlar maydoni”da eng katta olomon toʻlqini kuzatildi. Tashkilotchilar hukumatning Gʻazo shahri ustidan nazoratni qoʻlga kiritish rejalari HAMAS tomonidan ushlab turilgan 20 nafarga yaqin garovga olinganlarning hayotini xavf ostiga qoʻyishini aytishmoqda.

Namoyishchilarning ish tashlash bosimi hukumatni yanada qiynab qoʻydi. Baʼzi hududlarda yoʻllar, idoralar va universitetlar yopildi. Kun davomida 40 nafarga yaqin odam hibsga olingan. Milliy ish tashlashni garovga olinganlarning oilalari va urushning kengayishiga qarshi boʻlgan boshqalar talab qildi. Ularning aytishicha, namoyishchilar farzandlarini talab qilmoqda, Isroil hukumati adolatli urushni maʼnosiz urushga aylantirgan.

Isroil Bosh vaziri Binyamin Netanyahu norozilik namoyishchilarini tanqid qilib, ular HAMASning pozitsiyasini qattiqlashtirishini va garovga olinganlarni ozod qilishni sekinlashtirishini aytdi. Isroilning oʻta oʻng qanotli vaziri Betsalel Smotrich ham noroziliklarni qoralab, ularni “HAMASga ishlaydigan zararli kampaniya”, deb taʼrifladi.

“Yuragim sogʻinchdan yonadi. Matanim deb butun yuragim kuyib ketdi. Matan, men, butun bir xalq, biz sizlar uchun, barcha garovga olinganlar uchun qoʻlimizdan kelganini qilamiz”, — deydi asirlikda qolayotgan Matanning onasi.

Gʻazo fuqarolik mudofaasi agentligining maʼlum qilishicha, shanba kuni butun hudud boʻylab Isroil hujumlari oqibatida kamida 40 kishi halok boʻlgan. HAMAS bayonotida Isroil kuchlari Gʻazo shahrining sharqiy va janubiy mahallalarida, xususan, Zaytunda davomli hujum uyushtirganini aytmoqda.

HAMAS boshqaruvidagi Gʻazo sogʻliqni saqlash vazirligi maʼlumotlariga koʻra, BMT ishonchli deb hisoblagan maʼlumotlarda Isroilning hujumi natijasida 61 mingdan ortiq falastinlik halok boʻlgani aytiladi.