Bosh prokuratura huzuridagi Departamentning Andijon shahri boʻlimi hamda boshqa huquqni muhofaza qiluvchi organ xodimlari hamkorligida “Xavfsiz va sogʻlom yurt” keng qamrovli tezkor-profilaktik tadbirlar oʻtkazildi.

Mazkur tezkor tadbirlar davomida muqaddam sudlangan fuqarolar Sh.U., D.K. va S.M. tarkibida kuchli taʼsir qiluvchi moddalari mavjud boʻlgan 1 dona “Tropikamid” va 5 dona “Regapen” nomli dori vositalarini sotgan vaqtida ushlanib, ulardan 11 dona “Tropikamid”, 45 dona “Regapen” nomli dori vositalari, shuningdek fuqaro D.K.ning yonidan 1,85 gramm “Gashish” giyohvandlik moddasi topilib, ashyoviy dalil sifatida rasmiylashtirib olingan.

Shu kabi yana bir holat, departamentning Samarqand viloyati boshqarmasi hamda boshqa huquqni muhofaza qiluvchi organ xodimlari hamkorligida oʻtkazilgan tezkor tadbirda ham aniqlangan.

Unga koʻra, fuqaro G.I. fuqaro M.A.ga 32 dona “Torgobalin 150 mg.” nomli kuchli taʼsir qiluvchi dori vositasini sotgan vaqtida ushlanib, undan 40 dona “Geye baralgin” dori vositasi ashyoviy dalil sifatida olingan.

Hozirda mazkur holatlar yuzasidan Jinoyat kodeksining 251-1-moddasi hamda 276-moddasi bilan jinoyat ishlari qoʻzgʻatilib, tergovga tegishliligi boʻyicha yuborilgan.