FT: Ukraina Yevropaning mablagʻlari hisobiga AQSHdan 100 mlrd dollarlik qurol xarid qilishga tayyor
Foto: Keystone Press Agency
Financial Timesʼning yozishicha, Ukraina Vashingtondan xavfsizlik kafolatlarini olish maqsadida AQSH qurollarini 100 milliard dollarlik shartnoma asosida xarid qilishga tayyor. Mazkur bitim Yevropa mamlakatlari mablagʻlari hisobidan moliyalashtirilishi kutilmoqda.
Hujjatda Kiyev qaysi turdagi qurollarni olishni rejalashtirayotgani aniq koʻrsatilmagan. Ammo avvalroq Ukraina kamida 10 ta amerikalik Patriot havo mudofaa tizimini sotib olish istagini bildirgan edi.
Shuningdek, Kiyev AQSH bilan qiymati 50 milliard dollarga teng dronlar ishlab chiqarish boʻyicha Ukraina kompaniyalari ishtirokida qoʻshma loyiha amalga oshirishga ham tayyorligini maʼlum qilgan.
Ukraina Rossiyaga Donbassning nazoratdagi qismlarini berish va frontning qolgan yoʻnalishlarini muzlatib qoʻyish gʻoyasini rad etmoqda. Kiyevning taʼkidlashicha, Rossiya urush davrida yetkazgan zarar uchun toʻliq tovon toʻlashi shart. Bu kompensatsiya Gʻarb mamlakatlarida muzlatib qoʻyilgan qiymati 300 milliard dollarga teng Rossiyaning suveren aktivlari hisobidan qoplanishi mumkin.
Tavsiya etamiz
Ko‘p o‘qilganlar
- Jahon olimlari nigohi yana Oʻzbekistonga qaratildi
- Ekrandagi qabohatning hayotdagi aksi yoki yengil-yelpi seriallar jamiyatga nima beryapti?
- Prezident Oʻzbekiston oʻqituvchi va murabbiylariga tabrik yoʻlladi
- Dollar kursi tushishda davom etmoqda
- Oʻzbekistonda dollar kursi oʻzgardi
- Oʻzbekistonda dollarning rasmiy kursi oʻzgardi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring