Illyustrativ foto

Mukofot Peru Agostini, Ferensu Krausu va Ann LʻYuilega materiyadagi elektronlarning dinamikasini oʻrganish uchun yorugʻlikning attosoniyali impulslarini hosil qiluvchi eksperimental usullar uchun topshirildi.

Atto — prefiksi oʻlchov birligining 10⁻¹⁸ kuchiga toʻgʻri keladi. Attosoniya juda qisqa vaqt oraligʻida hatto yorugʻlik ham mikroskopik masofalarni bosib oʻtadi. Bunday davomiylikdagi lazer chaqnashlari materiyaning ilgari erishib boʻlmaydigan harakatlarini batafsil oʻrganish imkonini beradi.

2022-yilda fizika boʻyicha Nobel mukofoti Alen Aspe, Jon F. Klauzer va Anton Zaylingerga kvant maʼlumotlarini uzatish boʻyicha tadqiqotlari uchun berilgandi.

4-oktabr kuni Stokgolmda kimyo, 5-oktabrda adabiyot, 6-oktabrda esa Osloda tinchlik yoʻnalishlari Nobel mukofoti laureatlari nomi eʼlon qilinadi. Shvetsiya Shvetsiya banki tomonidan 1968-yilda taʼsis etilgan iqtisod boʻyicha Alfred Nobel mukofoti sovrindori nomi 9-oktabr kuni maʼlum qilinadi.

Nobel haftaligida birinchi boʻlib tibbiyot va fiziologiya boʻyicha mukofot sohiblari nomi eʼlon qilindi. 2023-yilda mukofot Katalin Kariko va Dryu Vaysmanga qisqa vaqt ichida "COVID-19"ga qarshi samarali mRNK vaksinalarini yaratishga imkon beruvchi texnologiya yaratgani uchun berildi. bu kashfiyot boshqa koʻplab xavfli kasalliklar, jumladan, OIV va saraton kasalligining oldini olishga yordam beradi.