Daraxtlarni koʻchirib oʻtkazaman deb ularni nobud qilgan mansabdorlarga jinoyat ishi ochildi
Buxoroda daraxtlarni koʻchirib oʻtkazaman deb, ularning nobud boʻlishiga sababchi boʻlgan mansabdorlarga jinoyat ishi ochildi. Bu haqda Ekologiya vazirligi matbuot xizmati xabar qildi.
Qayd etilishicha, Buxoro shahri “Sheyxon” MFY hududida joylashgan tibbiyot markazida radiologiya boʻlimini qurish-taʼmirlash ishlari amalga oshirilayotgan paytda, ushbu obyekt atrofi oʻrab olinganligidan foydalanib, “M. G.” MCHJ mansabdor shaxslari tomonidan qonunbuzarlikka yoʻl qoʻyilgan. Yaʼni tibbiyot markazi hududida daraxtlar noqonuniy tarzda koʻchirilgan.
Oʻrganish jarayonida hududdan jami 38 tup qimmatbaho daraxt koʻchirib oʻtkazilgan boʻlib, ularning 26 tupi nobud boʻlganligi aniqlandi. Natijada tabiatga 170 million 62 ming 500 soʻm miqdorida moddiy zarar yetkazilgan.
Holat yuzasidan tegishli hujjatlar prokuratura organlariga taqdim etilib, jinoyat ishi qoʻzgʻatilgan. Tergov harakatlari olib borilmoqda.
Avvalroq Surxondaryo viloyati Termiz shahrida 219 tup daraxt noqonuniy tarzda kesib tashlangani toʻgʻrisida xabar qilgandik.
Tavsiya etamiz
Ko‘p o‘qilganlar
- “Loʻlilar faqat tilanchimi?...” Ular yashayotgan mahalladan fotoreportaj
- Hokimlik Toshkentni “yuva boshladi“. Xoʻsh, suv sepish havo ifloslanishini kamaytiradimi?
- Yangilanayotgan Markaziy Osiyo: birlik, doʻstlik va hamkorlikning yangi bosqichi
- “Adabiyot va hayot”: Sultonboy Dehqonovning shaxsiy fotokoʻrgazmasi ochildi (+fotoreportaj)
- Nogironligi boʻlgan fuqarolarga 30 mln soʻmgacha foizsiz ssuda ajratiladi
- Kambagʻallikni qisqartirish: pul emas, aql-idrok va bilim muhim
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring