Bugun, 7-avgust kuni Oʻzbekistoning Toshkent, Furqat, Gʻozgʻon, Mingbuloq va Taxiatosh tumanlariga yangi hokim tayinlandi.

Gʻozgʻon shahriga yangi hokim tayinlandi

Joʻrayev Nurali Shuhratovich — Navoiy viloyatining Gʻozgʻon shahri hokimi vazifasiga tayinlandi.

Bunga qadar u Investitsiyalar, sanoat va savdo vazirligi hududlarni rivojlantirish boshqarmasi bosh mutaxassisi vazifasida faoliyat yuritgan.

Taxiatosh tumaniga yangi hokim tayinlandi

Aytbayev Kamiljan Kurbanbayevich — Taxiatosh tumani hokimi etib tayinlandi.

U bunga qadar Amudaryo tumani hokimining moliya-iqtisodiyot va kambagʻallikni qisqartirish masalalari boʻyicha birinchi oʻrinbosari — iqtisodiy taraqqiyot va kambagʻallikni qisqartirish boʻlimi boshligʻi lavozimida faoliyat olib borgan.

Mingbuloq tumaniga yangi hokim tayinlandi

Mansurov Ahror Ahmadaliyevich — Namangan viloyatining Mingbuloq tumani hokimi etib tayinlandi.

Furqat tumaniga yangi hokim tayinlandi

Asronkulov Elyorbek Madaminovich — Fargʻona viloyatining Furqat tumani hokimi etib tayinlandi.

Bunga qadar u Ijtimoiy himoya milliy agentligining Fargʻona viloyati boshqarmasi boshligʻi boʻlib ishlab kelgan.

Toshkent tumaniga yangi hokim tayinlandi

Ergashev Sardorbek Kadirovich — Toshkent viloyatining Toshkent tumani hokimi etib tayinlandi.

U faoliyati davomida Toshkent tumani hokimining moliya-iqtisodiyot va kambagʻallikni qisqartirish masalalari boʻyicha birinchi oʻrinbosari – tuman iqtisodiy taraqqiyot va kambagʻallikni qisqartirish boʻlimi boshligʻi hamda Ijtimoiy himoya milliy agentligining Toshkent viloyati boshqarmasi boshligʻi lavozimlarida ishlagan.