2024-yil 1-avgust holatiga koʻra soliq qarzi 100 mln soʻmdan yuqori boʻlgan Oʻzbekistondagi qurilish korxonalari soni 963 tani tashkil qiladi. Bu haqda Davlat soliq qoʻmitasi xabar berdi.

Mazkur korxonalarning jami qarzi 1 trillion 136 milliard soʻmni tashkil qiladi.

Shundan 428 milliard soʻmi, yaʼni 37,7 foizi soliq qarzi eng yirik boʻlgan 10 ta korxona hisobiga toʻgʻri keladi.

Bular quyidagi qurilish korxonalari:

• “Koʻprikqurilish” — 69,4 mlrd soʻm;
• “Odil-Xamza” — 58,2 mlrd soʻm;
• “Taʼmirlash Qurilish Servis” — 51,6 mlrd soʻm;
• “Zamonaviy Qurilish Plitkalari” — 45,3 mlrd soʻm;
• DM Enter Engineering Pte Ltd — 43,5 mlrd soʻm;
• Eriell Dmcc-Jp Bureniye — 38,9 mlrd soʻm;
• Enter Engineering Pte Ltd DM — 37,1 mlrd soʻm;
• “Aziya Invest Favorit” — 29,3 mlrd soʻm;
• Grand Road Tashkent — 28,7 mlrd soʻm;
• Eriell Ofsme Dmcc-Akchalak — 26,1 mlrd soʻm.

Hududlar kesimida korxonalarning soliq qarzdorligi koʻrsatkichlari quyidagicha:

• Yirik soliq toʻlovchilar boʻyicha HSI — 404,9 mlrd soʻm;
• Toshkent shahri — 310,8 mlrd soʻm;
• Andijon viloyati — 81,9 mlrd soʻm.