Бугун, 9 февраль куни Тошкент шаҳрида Мактабгача таълим тизимида болаларга робототехника ва дастурлашни ўргатиш учун Albert роботларини топшириш маросими бўлиб ўтди.

Мактабгача ёшдаги болаларни робототехника бўйича мақсадли тизимли ўқитиш мактабга тайёргарлик кўришда муҳим роль ўйнайди, ўрганиш, натижаларга эришиш ва ахборот-инновацион маконда янги билимларни эгаллаш кўникмаларини шакллантириш ва ривожлантиришга ёрдам беради.

Тадбир Мактабгача таълим вазирлиги ва вазирлик ҳузуридаги Ахборот-педагогик технологиялар инновацион маркази ва шу қаторда компаниялар вакиллари иштирокида онлайн тарзда ўтказилди.

Шунингдек, тадбирда Корея Республикасининг бир қатор компаниялари вакиллари ҳам иштирок этди.

Кореялик ҳамкорлар мактабгача таълим муассасалари ўқитувчилари ва тарбияланувчилари учун 275 та янги авлод Albert роботлари ва ўзбек тилидаги 350 та ўқув қўлланмасини совға қилди.

Ушбу пилот лойиҳанинг мақсади мактабгача таълим муассасалари болаларида робототехника ва дастурлашнинг дастлабки кўникмаларини шакллантириш ва ахборот-коммуникация технологияларига қизиқиш уйғотишдир.