Вэнс Нетаньяҳудан Ғазо бўйича тинчлик режасига “имконият ва вақт бериш”ни сўради
АҚШ вице-президенти Жей Ди Вэнс Исроил Бош вазири Биньямин Нетаньяҳу билан ўтказган музокараларда ундан Ғазо секторидаги можарони бартараф этиш бўйича тинчлик битими келишувининг кейинги босқичларига ўтиш учун барча чора-тадбирларни амалга оширишга “имконият ва вақт бериш”ни сўради. Бу ҳақда “Axios” нашри хабар бермоқда.
Нашрга кўра, 22 октябрь куни бўлиб ўтган музокараларда Вэнс Нетаньяҳудан максимал ёрдам кўрсатишни ҳам сўради. У Вашингтонни хавотирга солаётган ва тинчлик битимини бузиб юбориши мумкин бўлган алоҳида жиҳатларга эътибор қаратди.
Гап Исроил ҳарбийларига ўтган дам олиш кунлари уюштирилган ҳужумларга жавобан Фаластиннинг ҲАМАС ҳаракати тарафдорлари позицияларига берилган зарбалар, шунингдек, Исроил томонидан Ғазога гуманитар ёрдам етказиб беришга қўйилаётган чекловлар ҳақида бормоқда. АҚШ вице-президенти Исроил томонини вазминликка чақирди.
Нетаньяҳу Исроил тинчлик битими доирасига риоя қилишини ва яқин орада томонлар битимнинг кейинги босқичларига ўтишга муваффақ бўлишига умид қилаётганини билдирди.
Тавсия этамиз
Кўп ўқилганлар
- 21 октябрь – Ўзбек тили байрами куни
- Ўз халқини Сиз каби чин дилдан севадиган давлат раҳбарини учратмадим – «ACWA Power» компанияси бошқаруви раиси Муҳаммад Абунайян
- Имтиёзли шартларда пенсияга чиқиш ҳуқуқини берувчи рўйхатни тузиш тартиби белгиланди
- Иш билан боғлиқ бахтсиз ҳодисалар ва касбга оид касалликлар ҳақидаги маълумотларнинг яхлит тизими йўқлиги кўрсатиб ўтилди
- Ўзбекистон тасвирий санъат галереясида Самарқанд мактабининг янги нафаси
- Ламин Ямал «Барселона»ни тарк этиши мумкин
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг