Тожикистон–Афғонистон чегарасида отишма. Қурбонлар борлиги айтилмоқда
Фото: AFP
Тожикистоннинг Шамсиддин Шоҳин тумани ва Афғонистоннинг Бадахшон вилояти Шаҳри Бузург тумани ўртасида жойлашган Дованг қишлоғида отишма содир бўлди. Бу ҳақда «Asia-Plus» хабар берди.
Қайд этилишича, ҳодиса олтин қазиб олиш ҳудудида, хорижий, жумладан, хитойлик компаниялар фаолият юритадиган ерда содир бўлган. Дастлабки маълумотларга кўра, можаро Панж (Амударё) дарёсининг йўналиши ўзгариши ортидан келиб чиққан. Мазкур дарё икки давлат орасидаги табиий чегара ҳисобланади ва бу масала илгари ҳам тарафлар ўртасида баҳсларга сабаб бўлган.
Манбаларнинг таъкидлашича, отишма оқибатида қурбонлар бор, аммо ҳалок бўлган ва жароҳат олганлар сони аниқ эмас. Қайси томонда йўқотишлар борлиги ҳам маълум қилинмаган.
Тожикистон расмийлари ҳам «Толибон» ҳаракати ҳам ҳодиса юзасидан ҳозирча изоҳ бермаган. Журналистларнинг Тожикистон чегара қўшинларидан муносабат олиш уринишлари самарасиз якунланган.
Нашр маълумотига кўра, отишмадан кейин «Толибон» вакиллари Бадахшоннинг янги губернатори Исмоил Ғазнавий билан йиғилиш ўтказиб, чегарадаги вазиятни муҳокама қилган.
Тавсия этамиз
Кўп ўқилганлар
- Нега биз ҳалигача ўзга сайёраликлар билан учрашмаганмиз?
- Эркинжон Турдимов: «Муаммо бинода эмас, муаммо раҳбар ва унинг иш услубида»
- Аҳоли ва қишлоқ хўжалигини онлайн рўйхатга олиш бошланишига 3 кун қолди
- Президент прокуратура органлари ходимлари ва фахрийларига табрик йўллади
- Ўзбекистонда 2025 йилда 150 тоннадан ортиқ сифатли қон тайёрланган
- “Катта сакраш” ёхуд Ўзбекистон сунъий интеллект ва рақамли технологиялар ривожида янги босқичга қадам қўйди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг