Фото: Маданий мерос агентлиги

8 ноябрь куни Шайхонтоҳур туманида жойлашган “Баланд” жоме масжидини Маданий мерос агентлиги мутасаддилари, Тошкент шаҳар Маданий мерос бошқармаси мутахассислари, шунингдек, масжидининг масъул вакиллари иштирокида объектни реставрация, реконструкция ҳамда таъмирлаш-тиклаш бўйича амалга оширилаётган ишлар ўрганилди. Баланд масжиди 1857 йилда қурилган бўлиб, ҳозирда объект давлат мулки ҳисобланади.

Маданий мерос агентлигининг Илмий эксперт кенгаши томонидан 2023 йилнинг 6-8 апрелида бўлиб ўтган йиғилишида ушбу қурилиш ишларини амалга ошириш лойиҳаси кўриб чиқилиб, белгиланган тартибда маъқулланган эди.

Таъкидлаш жоизки, ушбу лойиҳага Илмий-эксперт кенгаши аъзолари томонидан бинонинг тарихий қисмига шикаст етказмаган ҳолда, Тошкент шаҳар Маданий мерос бошқармаси назорати остида атрофини реконструкция қилиш бўйича ишларни амалга оширишга рухсат берилган.

Тошкент шаҳар маданий мерос бошқармаси томонидан бир неча бор масжидда илмий-техник назорат ишлари амалга оширилган ҳамда маданий объектнинг тарихий қисмига зарар етказмасдан қурилиш ишларини амалга ошириш назоратга олинган.