Тошкент вилоятида 1 млрд сўмлик газдан ноқонуний фойдаланилди
Фото: «Ўзэнергоинспекция»
Тошкент вилоятида 1 миллиард сўмлик табиий газдан ноқонуний фойдаланиш ҳолати аниқланди. Бу ҳақда «Ўзэнергоинспекция» ахборот хизмати хабар берди.
Маълум қилинишича, инспекциянинг Тошкент вилоят ҳудудий бошқармаси ва газ таъминоти корхонаси ҳамкорлигида назорат тадбири ўтказилган. Унда Ўрта Чирчиқ туманида «О.Т.М.» оилавий корхонасига қарашли бинода ўзбошимчалик билан тармоққа уланиб, табиий газдан ноқонуний фойдаланиб келаётганлиги аниқланган.
Дастлабки ҳисоб-китобларига кўра, ушбу қоидабузарлик натижасида, газ таъминоти корхонасига 1 миллиард 5 миллион сўмлик зарар етказилган.
Қайд этилишича, ҳозирда ҳуқуқни муҳофаза қилиш органлари томонидан терговга қадар текширув ишлари олиб борилмоқда.
Эслатиб ўтамиз, аввалроқ Тошкент вилояти Оҳангарон туманида 1,6 миллиард сўмлик табиий газдан ўғринча фойдаланиш ҳолати аниқлангани ҳақида хабар берилган эди.
Тавсия этамиз
Кўп ўқилганлар
- Ўзбекистон Президенти ва халқига Янги йил байрами муносабати билан самимий қутловлар келмоқда
- Хорижий валюталарнинг ўзбек сўмига нисбатан Янги йилдан кейин амалда бўладиган қиймати эълон қилинди
- Ўзбекистон Республикаси Президенти Шавкат Мирзиёевнинг Ўзбекистон халқига Янги йил табриги
- Шавкат Мирзиёев Янги Тошкентдаги “Шарқ баҳори” турар жой мажмуасининг қурилиш майдонига ташриф буюрди
- Ўзбекистоннинг Ғазодаги вазиятга нисбатан ҳозирги аниқ позицияси қандайлиги айтилди
- Эркинжон Турдимов: «Муаммо бинода эмас, муаммо раҳбар ва унинг иш услубида»
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг