Самарқанд – Тошкент йўналишида қўшимча поезд қатновлари йўлга қўйилади. Нега?
Фото: biznesrivoj.uz
«Ўзбекистон темир йўллари» АЖ Самарқанд – Тошкент йўналишида қўшимча «Афросиёб» электропоезди қатновларини йўлга қўйишини маълум қилди. Бу ҳақда аксиядорлик жамияти ўзининг расмий саҳифасида маълум қилган.
Қайд этилишича, ушбу рейслар мустақиллик байрами ва «Шарқ тароналари» халқаро мусиқа фестивали муносабати билан жорий этилмоқда. Қўшимча қатновлар 25 августдан 3 сентябргача давом этади.
Бу йил Ўзбекистон Республикасининг мустақилликка эришганининг 33 йиллик байрами ва «Шарқ тароналари» XIII халқаро мусиқа фестивали юртимизда кенг нишонлашиши кутилмоқда. Бу эса йўловчиларнинг одатдагидан кўпайишини билдиради.
Қўшимча қатновларнинг жадвали қуйидагича:
1) 775-сонли «Самарқанд — Тошкент» йўналиши: Самарқанд 11:11 — Тошкент 13:26;
2) 776-сонли «Тошкент — Самарқанд» йўналиши: Тошкент 13:51 — Самарқанд 16:05.
«Қўшимча маълумотни Тошкент шаҳридаги 1005 қисқа телефон рақами, жойлардаги темирйўл чиптахоналари ҳамда маълумотлар бюросидан олиш мумкин. Чипталарни электрон тарзда ушбу ҳавола орқали харид қилиш имкони ҳам мавжуд», дейилади хабарда.
Аввалроқ, қайси соҳада махсус рўйхатдан ўтган ҚҚС тўловчилар сони энг кўп эканлиги ҳақида хабар берилганди.
Тавсия этамиз
Кўп ўқилганлар
- Ҳокимлик Тошкентни “юва бошлади“. Хўш, сув сепиш ҳаво ифлосланишини камайтирадими?
- «Адабиёт ва ҳаёт»: Султонбой Деҳқоновнинг шахсий фотокўргазмаси очилди (+фоторепортаж)
- Янгиланаётган Марказий Осиё: бирлик, дўстлик ва ҳамкорликнинг янги босқичи
- Ногиронлиги бўлган фуқароларга 30 млн сўмгача фоизсиз ссуда ажратилади
- Камбағалликни қисқартириш: пул эмас, ақл-идрок ва билим муҳим
- Ўзбекистонда хотин-қизларга нисбатан рақамли зўравонликка барҳам бериш бўйича 16 кунлик кампания бошланди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг