Москва жануби-ғарбий Курск вилоятида йирик трансчегаравий ҳужумга қарши курашаётганини айтганидан кейин Россия президенти Владимир Путин Украинани катта провокацияда айблади. Айнан жануби-ғарбий минтақада фавқулодда ҳолат эълон қилинган.

Соғлиқни сақлаш вазирлиги 7 август куни 31 тинч фуқаро, жумладан, олти бола яраланганини маълум қилди. Вилоят губернаторининг айтишича, бир кун аввал Украина қўшинлари танклар ва бронетехника билан чегарани бузиб кириши оқибатида беш киши ҳалок бўлган.

«Киев режими яна бир йирик провокацияни бошлади», деган Путин Украина шимолидаги Суми вилояти билан чегарадош Курск вилоятидаги ҳужумга ишора қилиб.

Украина ҳужум ҳақида тўғридан-тўғри изоҳ бермади. Россия Мудофаа вазирлиги Украина кучлари Москвадан 530 км жануби-ғарбда жойлашган чегарадаги Суджа шаҳарчасининг шимоли-ғарбига силжиётганини айтди. Россия ҳужумни қайтариш учун ҳаво ва артиллерия ўқ отиш кучидан фойдаланганини маълум қилган, бундан олдин минтақага қўшимча кучлар юборилгани ҳам маълум қилинганди.

Россия матбуоти тарқатган хабарларида 5 мингга яқин аҳоли истиқомат қиладиган шаҳарнинг ёнаётгани ва эвакуация қилинмаган аҳоли эса черковлардан бошпана топгани айтилган. Бироқ, етказилган зарар миқдори номаълумлигича қолмоқда.

Вашингтонда жойлашган Урушни ўрганиш институти 7 август куни ўзининг янгиланган маълумотларига кўра, геолокацион тасвирлар Украина Россия ичида 10 км узоққа илгарилаб кетган бўлиши мумкинлигини кўрсатмоқда.

Путин билан учрашувда Россия Бош штаб бошлиғи Валерий Герасимов Россия кучлари 1000 га яқин украиналик аскарнинг ҳужумини тўхтатганини айтган.

Украина Бош штаби Суми вилоятида жанглар авж олгани, расмийлар 6 мингга яқин одамни эвакуация қилганини таъкидлаган. Шунингдек, улар ҳудудга яқин жойда самолёт, вертолёт ва оғир қуролларни жойлаштиргани, аммо олдинга силжишга эриша олмай, катта йўқотишларга учраганини маълум қилди.

АҚШ Миллий хавфсизлик кенгаши матбуот котиби Жон Кирби Қўшма Штатлар Украинага берган қуроллардан фақат чегаранинг нариги томонидаги таҳдидларни нишонга олиш мумкинлиги бўйича сиёсатини ўзгартирмаганини эслатиб қўйди.

Суджа атрофидаги жанглар 14 июндан бери Россия Украина қўшинларидан 420 километр квадрат ҳудудни тортиб олганини даъво қилиши билан бошланган эди.