Уруш, жасорат ва спорт: ҳафта давомида дунё эътиборини тортган 10 та сурат
Фото: Getty Images
Сурияда қочқин қизнинг тўй маросими, Италияда ер силжиши туфайли юзага келган хавф ва “Тайпей 101” биносини ҳимоя воситаларисиз забт этган скалолаз — якунланаётган ҳафтада дунё бўйлаб турли воқеаларнинг шиддати, инсонларнинг жасорат ва муаммоларга қарши туриши фотосуратларда жамланди.
Қуйида дунёдаги энг машҳур фотожурналистлар томонидан суратга олинган энг диққатга сазовор лаҳзаларни кўришингиз мумкин:
Миннеаполис, Миннесота, АҚШ
Миннеаполисда ўтказилаётган очиқ мулоқотда АҚШ вакили Илҳан Омарнинг юзига номаълум модда сепиб юборгандан эркак зарарсизлантирилмоқда.
Миннеаполис, Миннесота, АҚШ
Иммиграция хизмати агенти томонидан 37 ёшли АҚШ фуқароси Алекс Жеффри Претти отиб ўлдирилиши ортидан шаҳар аҳолиси норозилик намойишига чиқди. Суратда федерал агент намойишчиларга қарата кўздан ёш оқизувчи газ тўпчасини улоқтирмоқда.
Ғарбий Қўрб, Фаластин
Рамалла яқинидаги Кафр Акоб қишлоғидаги ҳарбий рейд пайтида фаластинлик оила Исроил хавфсизлик кучлари томон одимламоқда.
Ғазо, Фаластин
Фаластинлик болалар марказий Ғазодаги Нусейрат қочқинлар лагерида вайрон бўлган бинолар яқинидаги майдондан гул термоқда.
Киев, Украина
Украина фавқулодда вазиятлар хизмати ходимлари Киевдаги ҳаво ҳужумидан кейин юз берган ёнғинни ўчириш учун ҳаракат қилмоқда.
Лима, Перу
Перуда президент Жозе Жерининг истеъфосини талаб қилаётган Z авлод намойишчиларидан бири полициячиларнинг кескин қаршилигига дуч келмоқда.
Қамишли, Сурия
Қамишлидаги мактаб синфхонасида Шимолий Суриядаги ал-Табқа шаҳаридан қочиб чиққан келиннинг тўй маросими бўлиб ўтмоқда. Ушбу мактаб жанговар ҳаракатлардан кейин бошпана сифатида фойдаланилмоқда.
Нисчеми, Италия
Сицилия оролидаги Нисчеми қишлоғида ер силжиши (ёрилиб қулаши) юз берди. Чуқурлик кенгайиб бораётгани қишлоқнинг тарихий марказини хавф остига қўймоқда.
Журм, Афғонистон
Афғонистонликлар тоғ чўққисидан туриб, бузкаши мусобақасини кузатмоқда (Бузкаши — ушбу мамлакатдаги анъанавий спортлардан бири ҳисобланади).
Тайпей, Тайван
Америкалик скалолаз Алекс Хоннольд Осиёнинг энг баланд биноларидан бири саналган “Тайпей 101” кўп қаватли биносини ҳеч қандай ҳимоя воситаларисиз забт этмоқда.
Тавсия этамиз
Кўп ўқилганлар
- «E-ekspertiza» платформаси орқали электрон ҳужжатлар алмашинувини йўлга қўйиш тартиби тасдиқланди
- Нодавлат суд-эксперти сифатида фаолият юритиш янада соддалаштирилади
- «Истанбул Башакшеҳир» меҳмондан ғалаба билан қайтди
- Украинанинг уч вилоятида портлашлар қайд этилди. Қурбонлар бор
- Бу йил Ўзбекистон Пролигасида 14 та жамоа иштирок этади
- Шавкат Мирзиёев Вашингтон шаҳрида Тинчлик кенгашининг дастлабки йиғилишида иштирок этди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг