Францияда ҳукуматнинг иқтисодий сиёсатига қарши оммавий намойишлар бошланди
Фото: Reuters
Францияда ҳукуматнинг иқтисодий сиёсатига қарши оммавий норозилик акциялари бўлиб ўтмоқда, деб хабар бермоқда «Коммерсантъ».
Намойишлар собиқ бош вазир Франсуа Байру бюджет танқислигини қисқартириш мақсадида иқтисодий тежаш чоралари ва байрам кунларини қисқартириш ҳақида баёнот берганидан кейин авж олди. Унинг сўзларига кўра, бу чоралар пенсиялар ва ижтимоий тўловларни индексация қилмасликни ҳам ўз ичига олади.
Акциялар «Ҳаммасини тўхтатайлик!» шиори остида ўтмоқда. Жандармерия маълумотига кўра, мамлакат бўйлаб 50 дан ортиқ намойиш ташкил этилган бўлиб, уларда тахминан 3 минг киши иштирок этган.
Айрим гуруҳлар инфратузилма объектларини тўсишга уринишган. Намойишларда умумий ҳисобда 100 минггача одам қатнашиши мумкинлиги айтилмоқда.
Ҳуқуқни муҳофаза қилувчи органлар маълумотига кўра, ҳозирга қадар 200 га яқин намойишчи қўлга олинган.
Тавсия этамиз
Кўп ўқилганлар
- Ўзбекистонда доллар курси пастлади
- Жаҳон олимлари нигоҳи яна Ўзбекистонга қаратилди
- «Бунёдкор» мураббийи Сергей Арсланов вафот этди
- Экрандаги қабоҳатнинг ҳаётдаги акси ёки енгил-елпи сериаллар жамиятга нима беряпти?
- Президент Ўзбекистон ўқитувчи ва мураббийларига табрик йўллади
- Нью-Йорк манзаралари
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг