Vobkentda 90 bolaga moʻljallangan zamonaviy bogʻcha ishga tushdi

11:29 28 Noyabr 2025 Jamiyat
148 0

Kuzning soʻnggi kunlari Vobkent tumanidagi Shanba mahallasi aholisi uchun bahoriy kayfiyat olib keldi. Bu yerda 15-maktabgacha taʼlim tashkilotining yangi binosi qurildi.

Oʻzbekiston Respublikasi iqtisodiyot va moliya vazirligi huzuridagi Birlashtirilgan loyihalarni amalga oshirish guruhi tashabbusi bilan barpo etilgan mazkur inshoot qurilishiga 4 milliard 200 million soʻm mablagʻ sarflandi. Natijada bolajonlarning havas qilsa arzigulik zamonaviy shart-sharoitlarda taʼlim-tarbiya olishi uchun imkoniyat yuzaga keldi.

— Bu yangi maskan Shanbadagi 90 bolani oʻz bagʻriga oldi, — deydi tuman hokimligi axborot xizmati rahbari Shuhrat Sharipov. — Vobkentda hozir jami 148 ta maktabgacha taʼlim tashkiloti faoliyat koʻrsatmoqda. 3–7 yoshli bolalar soni 12 ming 189 nafarni tashkil etyapti. Ularning 85,7 foizi maktabgacha taʼlim muassasalariga qamrab olingan.

Istam IBROHIMOV, “Xalq soʻzi”.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?