Tojikistonda sodir boʻlgan zilzila qancha talafot yetkazgani ochiqlandi
13-aprel kuni sodir boʻlgan zilzila oqibatida Tojikistonning Rasht va Tojikobod viloyatlarida 94 ta turarjoy binosi toʻliq vayron boʻldi. Bu haqda Tojikiston Favqulodda vaziyatlar vazirligi xabar qildi.
5-6 balli silkinishlar soat 09:24 da qayd etilgan. Zilzila epitsentri Dushanbe shahridan 160 kilometr shimoli-sharqda, Rashtdan 21 kilometr uzoqlikda joylashgan. Dushanbeda 3 ballga yaqin yer silkinishi sezilgan.
Maʼlumotlarga koʻra, 200 tadan ortiq qoʻshimcha binolar, jumladan, maktab, tibbiyot punktlari, choyxonalar vayron boʻlgan yoki shikastlangan. Rasht viloyatining oʻzida 40 ta turarjoy binosi vayron boʻlgan, yana 5 tasi qisman shikastlangan. Tojikobodda esa 54 ta uy toʻliq, 45 tasi qisman, yana 61 ta binoga esa kichik zarar yetgan.
Tojikiston prezidenti Emomali Rahmon topshirigʻiga koʻra, mamlakat bosh vaziri oʻrinbosari Sulaymon Ziyozoda boshchiligida maxsus hukumat komissiyasi tuzildi. U vaziyatni oʻrganish, yetkazilgan zararni baholash va zilzilalar oqibatlarini bartaraf etish boʻyicha ishlarni muvofiqlashtiradi.
Tavsiya etamiz
Ko‘p o‘qilganlar
- Taekvondochilarimiz klublar o‘rtasidagi Osiyo chempionatini 14 ta medal bilan tugatishdi
- Duatlon: eng kuchlilar ma’lum bo‘ldi
- Sambo: vakillarimizning xalqaro turnirdagi muvaffaqiyati
- Oʻzbekistonlik bokschilar Osiyo chempionatida 27 ta medalga ega chiqdi
- 2025-yilgi FIDE Jahon rapid va blits chempionati Qatarda oʻtkaziladi
- Og‘ir atletika bo‘yicha o‘smirlar va yoshlar o‘rtasidagi jahon chempionati boshlanmoqda
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring