Тожикистонда содир бўлган зилзила қанча талафот етказгани очиқланди
13 апрель куни содир бўлган зилзила оқибатида Тожикистоннинг Рашт ва Тожикобод вилоятларида 94 та тураржой биноси тўлиқ вайрон бўлди. Бу ҳақда Тожикистон Фавқулодда вазиятлар вазирлиги хабар қилди.
5-6 балли силкинишлар соат 09:24 да қайд этилган. Зилзила эпицентри Душанбе шаҳридан 160 километр шимоли-шарқда, Раштдан 21 километр узоқликда жойлашган. Душанбеда 3 баллга яқин ер силкиниши сезилган.
Маълумотларга кўра, 200 тадан ортиқ қўшимча бинолар, жумладан, мактаб, тиббиёт пунктлари, чойхоналар вайрон бўлган ёки шикастланган. Рашт вилоятининг ўзида 40 та тураржой биноси вайрон бўлган, яна 5 таси қисман шикастланган. Тожикободда эса 54 та уй тўлиқ, 45 таси қисман, яна 61 та бинога эса кичик зарар етган.
Тожикистон президенти Эмомали Раҳмон топшириғига кўра, мамлакат бош вазири ўринбосари Сулаймон Зиёзода бошчилигида махсус ҳукумат комиссияси тузилди. У вазиятни ўрганиш, етказилган зарарни баҳолаш ва зилзилалар оқибатларини бартараф этиш бўйича ишларни мувофиқлаштиради.
Тавсия этамиз
Кўп ўқилганлар
- 21 октябрь – Ўзбек тили байрами куни
- Самарқандда ЮНЕСКОнинг 43-сессиясига тайёргарлик авжида
- Аҳоли ва қишлоқ хўжалигини рўйхатга олишга тайёргарлик кўриш ва уни ўтказиш тартиби белгиланди
- Туркий халқларнинг маънавий яловбардори
- Хорижий тилларни ўрганмоқчи бўлган ёшларга «2+6» дастурига мувофиқ субсидия ажратилади
- Ўз халқини Сиз каби чин дилдан севадиган давлат раҳбарини учратмадим – «ACWA Power» компанияси бошқаруви раиси Муҳаммад Абунайян
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг