Toshkentda 13 yoshli bola ukasini sotuvga qoʻyib yubordi
Ijtimoiy tarmoqlarda 3 yoshli bolaning onlayn savdo platformasiga sotuvga qoʻyib yuborilgani haqida xabarlar tarqaldi. Ushbu holat yuzasidan Bolalar ombudsmani maʼlumot berdi.
Unga koʻra, ichki ishlar organlari tomonidan oʻtkazilgan tezkor-qidiruv choralari natijasida onlayn-savdo platformasiga mazkur eʼlon qay manzil va qaysi akkauntdan joylashtirilgani tez fursatda aniqlangan.
Maʼlum boʻlishicha, Toshkent shahri Uchtepa tumanida ota-onasi qaramogʻida yashovchi voyaga yetmagan I.A. (2012-yilda tugʻilgan oʻgʻil bola) shunchaki bolalarcha oʻylovsiz tarzda, kichik yoshli ukasi A.M. (2022-yilda tugʻilgan oʻgʻil bola)ni shoʻxligi uchun goʻyoki taʼzirini berib qoʻymoqchi boʻlgan.
U ukasini onlayn platformaga oʻzi ochgan akkauntdan sotuvga qoʻyib yuborgan va sotuv narxini 150 ming soʻm deb koʻrsatgan.
Hozirda holat yuzasidan Uchtepa tuman IIB tomonidan tergovga qadar tekshiruv harakatlari olib borilmoqda.
Avvalroq odam savdosi jinoyatini sodir etib Turkiyada yashirinib yurgan Oʻzbekistonlik ayol Toshkentga ekstraditsiya qilingani haqida xabar qilgan edik.
Tavsiya etamiz
Ko‘p o‘qilganlar
- 21-oktyabr – Oʻzbek tili bayrami kuni
- Samarqandda YUNESKOning 43-sessiyasiga tayyorgarlik avjida
- Aholi va qishloq xoʻjaligini roʻyxatga olishga tayyorgarlik koʻrish va uni oʻtkazish tartibi belgilandi
- Hududlarda 34 ta yuqori texnologiyali sanoat loyihalari amalga oshiriladi
- Endilikda muddati oʻtgan tovarlarning sotilishi avtomatik ravishda cheklanadi
- Xorijiy tillarni oʻrganmoqchi boʻlgan yoshlarga “2+6” dasturiga muvofiq subsidiya ajratiladi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring