Termizda noqonuniy tarzda quyon ovlagan shaxsga chora koʻrildi
Foto: Ekologiya va iqlim oʻzgarishi milliy qoʻmitasi
Surxondaryo viloyati Termiz tumanida quyonlarni noqonuniy ovlagan shaxsga chora koʻrildi. Bu haqda Ekologiya va iqlim oʻzgarishi milliy qoʻmitasi xabar berdi.
Maʼlum qilinishicha, Surxondaryo viloyati Ekologiya va iqlim oʻzgarishi bosh boshqarmasi hamda viloyat Milliy gvardiya boshqarmasi hamkorligida navbatdagi reyd tadbiri oʻtkazilgan. Reyd davomida tumandagi Uchkoʻl koʻllari hududida Toshkent shahrida yashovchi fuqaro tomonidan 13 bosh yovvoyi quyon noqonuniy ovlangani aniqlangan.
Maʼlum boʻlishicha, fuqaro ovni taqiqlangan usulda — tunda yorituvchi moslamadan foydalangan holda amalga oshirgan. Hisob-kitoblarga koʻra, noqonuniy ov natijasida tabiatga 5 million 356 ming soʻm miqdorida zarar yetkazilgan.
Huquqbuzarga nisbatan Maʼmuriy javobgarlik toʻgʻrisidagi kodeksning tegishli moddasi bilan chora koʻrilgan. Shuningdek, ov jarayonida foydalanilgan, huquqbuzarga tegishli boʻlgan 3 dona ov miltigʻi ashyoviy dalil sifatida olib qoʻyilib, viloyat IIBga topshirildi.
Tavsiya etamiz
Ko‘p o‘qilganlar
- “E-ekspertiza” platformasi orqali elektron hujjatlar almashinuvini yoʻlga qoʻyish tartibi tasdiqlandi
- Nodavlat sud-eksperti sifatida faoliyat yuritish yanada soddalashtiriladi
- “Istanbul Bashakshehir” mehmondan gʻalaba bilan qaytdi
- Ukrainaning uch viloyatida portlashlar qayd etildi. Qurbonlar bor
- Bu yil Oʻzbekiston Proligasida 14 ta jamoa ishtirok etadi
- Shavkat Mirziyoyev Vashington shahrida Tinchlik kengashining dastlabki yigʻilishida ishtirok etdi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring