Talabalar turar joylariga arizalar qabuli ochildi
Bugun, 1-avgustdan Oliy taʼlim muassasalari talabalariga moʻljallangan turar joylarga joylashish boʻyicha arizalarni qabul qilish boshlandi. Bu haqda Oliy taʼlim vazirligi xabar qildi.
Qayd etilishicha, arizalarni yagona interaktiv davlat xizmatlari portali – my.gov.uz orqali yuborish mumkin.
Dastlab imtiyozli va ustuvor mezonlarga ega talabalar yotoqxona bilan taʼminlanadi. Shundan keyin umumiy roʻyxat asosida qolgan talabalar uchun mavjud oʻrinlar taqsimlanadi.
Yotoqxonalardagi oʻrinlar 1-kurs talabalari uchun 55–65 foiz, 2-kurs talabalari uchun 15–20 foiz, 3-kurs va undan yuqori bosqich talabalari uchun 20–25 foizgacha ajratilishi mumkin.
Taʼkidlash joiz, arizalarni topshirish muddati cheklanmagan boʻlib, butun oʻquv yili davomida ochiq boʻladi.
Maʼlumot uchun, 2025/2026-oʻquv yili uchun OTMga 1-bosqichga qabul qilinadigan abituriyentlar test natijalari eʼlon qilingach, ariza topshirish imkoniyatiga ega boʻladi. Ular uchun ham oʻrinlar yuqoridagi mezonlarga muvofiq belgilanadi.
Tavsiya etamiz
Ko‘p o‘qilganlar
- 21-oktyabr – Oʻzbek tili bayrami kuni
- Samarqandda YUNESKOning 43-sessiyasiga tayyorgarlik avjida
- Aholi va qishloq xoʻjaligini roʻyxatga olishga tayyorgarlik koʻrish va uni oʻtkazish tartibi belgilandi
- Markaziy Osiyo pedagoglari Nukusda jam boʻldi
- Hududlarda 34 ta yuqori texnologiyali sanoat loyihalari amalga oshiriladi
- Endilikda muddati oʻtgan tovarlarning sotilishi avtomatik ravishda cheklanadi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring