Arxiv foto

Prezidentimizning 2016 yil 29 noyabrdagi “Toshkent metropolitenining Sergeli liniyasi qurilishi loyihasini amalga oshirish toʻgʻrisida”gi qarori ijrosi doirasida bunyodkorlik ishlari qizgʻin davom etmoqda.

Ushbu loyihaning uzunligi 7,1 kilometrni tashkil etadi. Asosiy loyiha “Boshtransloyiha” aksiyadorlik jamiyati tomonidan ishlab chiqilgan boʻlib, unga koʻra, ushbu yoʻnalishdan 6 ta bekat oʻrin olgan. Bekatlarda yoʻlovchilarga qulaylik yaratish maqsadida maxsus lift va eskalatorlar oʻrnatiladi.

Sergeli metro liniyasining ahamiyatli jihati shundaki, u nafaqat mamlakatimizda, balki Markaziy Osiyoda ham bugungi kungacha qoʻllanilmagan butunlay yangicha estakada usulida bunyod etilmoqda.

Qurilishning boshidan to hozirgacha tajribali mutaxassislar tomonidan qurilish meʼyorlar va texnik talablar asosida belgilangan jadval boʻyicha ishlar amalga oshirilyapti. Qurilish-montaj jarayonlari uchun zarur boʻlgan zamonaviy texnikalar va mexanizmlar olib kelindi.

Eslatib oʻtamiz, Toshkent metropolitenining ushbu yangi liniyasi 2020 yilga qadar foydalanishga topshirilishi koʻzda tutilgan.