Arxiv foto

Rossiya AQSH prezidenti Donald Trampning ultimatum muddati davomida muzokaralardagi pozitsiyasini yanada mustahkamlaydi. Bu haqda “Advance” nashri yozmoqda.

“Moskva oʻziga berilgan muddat davomida hududlar ustidan nazoratni kengaytirishda davom etishini va shu orqali Vashington haqiqatan ham “zudlik bilan” oʻt ochishni toʻxtatishni talab qiladigan boʻlsa, muzokaralar pozitsiyasini mustahkamlashini kutish mumkin”, — deyiladi nashr maqolasida.

Kuzatuvchilarga koʻra, Ukraina qoʻshinlari bu davrda Rossiya armiyasining hujumlariga duchor boʻlishi kutilmoqda.

Dushanba kuni Tramp Kiyev bilan tinchlik kelishuvini talab qilib, Moskvaga 50 kunlik ultimatum berdi. Shartlar bajarilmasa, u neft, gaz va boshqa energiya resurslarini sotib oluvchi mamlakatlarga ikkilamchi bojlar bilan bir qatorda Rossiya tovarlari importiga 100 foizlik tariflar joriy etish bilan tahdid qilgan.

Shu bilan birga, Oq uy rahbari AQSH va Yevropa Ittifoqi Ukrainaga AQSH qurollarini joʻnatish boʻyicha kelishib olganini, buning uchun xarajatlar Yevropa zimmasiga tushganini bildirdi. Kelgusi yetkazib berishlar nafaqat raketalarni, balki “Patriot” batareyalarini ham oʻz ichiga oladi.

Kreml matbuot kotibi Dmitriy Peskov taʼkidlashicha, AQSH prezidentining rejasi biznesdir. Yevropa esa urushning davom etishini qoʻzgʻatish uchun qurol sotib olishga katta miqdorda pul sarflashga tayyorligini eʼlon qildi, ammo u yerda kim toʻlashi borasida kelishmovchiliklar mavjud. Fransiya, Chexiya, Italiya va Vengriya allaqachon xaridlarda ishtirok etishdan bosh tortgan.