Qimor xizmatlarini reklama qilgani uchun ikki bloger javobgarlikka tortildi
Oʻzbekiston Raqobatni rivojlantirish va isteʼmolchilar huquqlarini himoya qilish qoʻmitasi qimor xizmatlarini reklama qilgan ikki blogerga nisbatan choralar koʻrdi. Bu haqda qoʻmita matbuot xizmati xabar berdi.
Maʼlum qilinishicha, oʻtkazilgan tekshiruvlar davomida yuz minglab obunachilarga ega ayrim blogerlar oʻz sahifalarida “Melbet” bukmekerlik xizmatlarini reklama qilgani aniqlangan.
Xususan, A.X. (amirxon_uzbek) va D.I. (donik_krash) ismli blogerlarning videoroliklarida ushbu bukmekerlik kompaniyasi faoliyati targʻib qilingan.
Ular belgilangan tartibda maʼmuriy javobgarlikka tortildi, tegishli hujjatlar sudga yuborildi.
Oʻzbekiston Respublikasining “Reklama toʻgʻrisida“gi Qonuniga koʻra, mamlakat hududida qimor oʻyinlari va tavakkalchilikka asoslangan boshqa oʻyinlarni reklama qilish taqiqlanadi. Bunday faoliyatni reklama qilish tegishli javobgarlikka sabab boʻladi, — deya taʼkidladi qoʻmita vakillari.
Tavsiya etamiz
Ko‘p o‘qilganlar
- Jahon olimlari nigohi yana Oʻzbekistonga qaratildi
- Oʻzbekistonda dollar kursi pastladi
- “Bunyodkor” murabbiyi Sergey Arslanov vafot etdi
- Prezident Oʻzbekiston oʻqituvchi va murabbiylariga tabrik yoʻlladi
- Ekrandagi qabohatning hayotdagi aksi yoki yengil-yelpi seriallar jamiyatga nima beryapti?
- Nyu-York manzaralari
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring