Prezident Shavkat Mirziyoyev Qirg‘iziston Prezidenti Sadir Japarovga uning Samarqandda YUNESKO Bosh konferensiyasi 43-sessiyasining ochilishi munosabati bilan yo‘llagan tabriknomasiga javoban maktub yo‘llab, Qirg‘iziston tomoni ushbu tadbirga nufuzli delegatsiyasini yuborgani uchun minnatdorlik izhor etdi.

“Mazkur xalqaro forumning qariyb qirq yil ichida ilk bor YUNESKO Bosh qarorgohidan tashqarida, qadimiy va ulugʻ Samarqand shahrida oʻtkazilayotgani — Markaziy Osiyo mintaqasining umumiy muvaffaqiyati, shuningdek, Oʻzbekistonning xalqaro maydondagi obroʻ-eʼtibori tobora ortib borayotganidan dalolat ekaniga doir iliq fikrlaringiz biz uchun juda qadrli.

Konferensiya doirasida ilgari surilgan muhim tashabbuslar hamda qabul qilinadigan qarorlar taʼlim, fan va madaniyat sohasida global hamkorlikning yangi ufqlarini ochishi, oʻzaro doʻstlik va ishonch muhitini yanada mustahkamlashiga doir fikrlaringizga toʻliq qoʻshilaman.

Ishonchim komilki, oʻrtamizdagi chin qardoshlik rishtalari tobora mustahkamlanib borayotgani, boʻlajak oliy darajadagi muloqotlarimiz esa strategik sherikligimizni yanada yuksak bosqichga koʻtarishga xizmat qiladi”, — deyiladi maktubda.