2026-yilning 9-13-fevral kunlari Oʻzbekistonda oʻtkazilgan “Islom olami madaniy merosi boʻyicha qoʻmitaning 13-sessiyasi”ning yakuniy xulosalari maʼlum qilindi. Bu haqda Madaniyat vazirligi xabar berdi.

Unda aytilishicha, mamlakatimiz tomonidan taqdim etilgan 9 ta nomzodnomalardan 7 tasi maʼqullanib, AYSESKOning Moddiy va nomoddiy madaniy meros obyektlarining boshlangʻich roʻyxatiga kiritilgan.

Quyida ushbu roʻyxatga kiritilgan moddiy va nomoddiy madaniy meros obyektlari bilan tanishishingiz mumkin:

• 4 ta nomoddiy madaniy meros namunasi — yogʻoch oʻymakorligi sanʼati, miniatyura sanʼati, xattotlik sanʼati, kitobat va tazhib sanʼati;
• 3 ta moddiy madaniy meros obyekti — Qadimiy Termiz majmuasi, Shahrisabz tarixiy-majmuasi, Mizdahkan tarixiy-majmuasi.

Maʼlumot uchun, bugungi kunga qadar yurtimizning quyidagi 19 ta moddiy va nomoddiy madaniy meros obyektlari AYSESKOning Moddiy va nomoddiy madaniy merosi roʻyxatiga kiritilgan boʻlib, bular:

• Samarqand shahridagi Registon majmuasi;
• Ismoil Somoniy maqbarasi;
• Chor Bakr majmuasi;
• Bahouddin Naqshband majmuasi;
• Magʻoki Attor masjidi;
• Poyi Kalon majmuasi;
• Qadimiy Poykent shahri xarobalari;
• Saroyi Tosh madrasasi.

Ipak yoʻllari:

• Zarafshon–Qaroqum yoʻlagi;
• Turonning sovuq qishloq choʻllari;
• Samarqand — madaniyatlar chorrahasi;
• Buxoro tarixiy markazi;
• Zomin togʻlari (Jizzax viloyati);
• Shahrisabz tarixiy markazi;
• Sulton Saodat majmuasi;
• Muhammad Hakim Termiziy maqbarasi;
• Sulton Uvays Bobo maqbarasi;
• Sayyid Ataliq madrasasi hamda Oʻzbekistonda kulolchilik (keramika) sanʼati.

Shunday qilib, AYSESKOning Moddiy va nomoddiy madaniy merosi roʻyxatiga kiritilgan Oʻzbekistondagi meros obyektlari soni 26 taga yetdi.