Oʻzbekiston fuqarolari Belgiyaga avtoslesar va avtotexniklar ishga taklif etilmoqda. Bu haqda Tashqi mehnat migratsiyasi agentligi axborot xizmati xabar berdi.

Maʼlum qilinishicha, fuqarolar quyidagi sohalar boʻyicha ishga chaqirilmoqda:

• Yuk avtomobili va boshqa texnikalarga xizmat koʻrsatuvchi mutaxassis (avtoslesar);
• Qurilish, qishloq xoʻjaligi va yuk koʻtarish texnikalari boʻyicha texnik.

Oylik ish haqi 2100 yevro. Nomzodlar uchun quyidagi talablar mavjud:

• ingliz tilini muloqot darajasida bilish;
• yuk avtomobili mexanigi va elektrigi sohasida texnik maʼlumot;
• yuk avtomobili pnevmatikasi, gidravlikasi, elektronikasi va elektrigi sohalarini bilish;
• yuk avtomobili tormoz tizimi va dvigatel boshqaruvini bilish;
• yuk avtomobili diagnostikasi va nazorat uskunalari bilan ishlash tajribasi;
• yuk avtomobilini boshqarish guvohnomasiga ustunlik beriladi;
• 25-40 yoshdagi erkaklar;
• sudlanmagan.

Ish beruvchi hisobidan:

• ishlash uchun ruxsatnoma;
• ishchi vizasi;
• ishga joylashish uchun roʻyxatga olish xarajatlari.

Fuqaro hisobidan agentlik xizmati, oʻqitish va koʻniktirish, aviachipta xarajatlari.

Roʻyxatdan oʻtish (29-avgust soat 14:00 ga qadar)