Ўзбекистон фуқаролари Бельгияга автослесар ва автотехниклар ишга таклиф этилмоқда. Бу ҳақда Ташқи меҳнат миграцияси агентлиги ахборот хизмати хабар берди. 

Маълум қилинишича, фуқаролар қуйидаги соҳалар бўйича ишга чақирилмоқда: 

• Юк автомобили ва бошқа техникаларга хизмат кўрсатувчи мутахассис (автослесар); 
• Қурилиш, қишлоқ хўжалиги ва юк кўтариш техникалари бўйича техник.

Ойлик иш ҳақи 2100 евро. Номзодлар учун қуйидаги талаблар мавжуд:

• инглиз тилини мулоқот даражасида билиш;
• юк автомобили механиги ва электриги соҳасида техник маълумот;
• юк автомобили пневматикаси, гидравликаси, электроникаси ва электриги соҳаларини билиш;
• юк автомобили тормоз тизими ва двигатель бошқарувини билиш;
• юк автомобили диагностикаси ва назорат ускуналари билан ишлаш тажрибаси;
• юк автомобилини бошқариш гувоҳномасига устунлик берилади;
• 25-40 ёшдаги эркаклар;
• судланмаган.

Иш берувчи ҳисобидан:

• ишлаш учун рухсатнома;
• ишчи визаси;
• ишга жойлашиш учун рўйхатга олиш харажатлари.

Фуқаро ҳисобидан агентлик хизмати, ўқитиш ва кўниктириш, авиачипта харажатлари.

Рўйхатдан ўтиш (29 август соат 14:00 га қадар)